BREAKING NEWS : Kawl Ralkap Le Dr Sui Khar TLanglo Ah An I Tongtthaan.

Tlanglo ah a caam mi Kawl Ralkap le Dr. Sui Khar a tu nai ah an i tong than .Nizaan March 10 ah khan Camp Victoria ah a kal mi Ralkap hna cu Tlanglo lei ah an caam i tuzing March 11 ah Camp Victoria lei ah kal thaan ding in an i timh ca ah Dr. Sui Khar Thantlang lei in a rak pial i Tlanglo ah an i tong than tiah nihin ah thawngpang  kan theih.

Hi kong ah Tlanglo khua upa pakhat nih “Atu nai chun 12:00 ah khan Thantlang lei in Dr. Sui Khar a rak phan i kan khua ah an i tong than. Pu Sui Khar cu a rak men lo. An tih ngai ti a langtuk. Pu Sui nih ‘cunglei ka chawnh cang hna’ a ti hna i an dai. Asinain cunglei nih rak kal than ding in an van ti hna ca ah a si rua. Cucaah Dr. Sui Khar nih ‘Bohmu pakhat le Ralkap pathum nih ka zul u’ a ti hna i atu nai ah khan Tio leiah an tum,” tiah The Hakha Times ah a chim.

Camp Victoria lei in CNA pali an rak kai. Cun Dr. Sui Khar a van zultu pathum nih an zulh hna. Dr. Sui Khar nih “Ralkap Bohmu le a dang pakhat cu a motor ah a thutter hna i a dang pahnih cu motorcycle in an kal,” tiah a chimchap.

Zing ah khan cun kan lungre a theituk nain atu Pu Sui a rat hnu cun kan lungretheihnak a dai, kan thin a phang ti lo, tiah a cunglei upa nih a chim. Ralkap hi nizaan Camp Victoria an kal an kir hnu in tlung lo in Tlanglo ah an caam i khuachung Tualleng Sianginn ah hmunhma an khuar tiah thawng kan theih. The Hakha Times

Be the first to comment

Leave a Reply

Your email address will not be published.


*