BREAKING NEWS : India Le Kawlram Ramri Tamu Ah Faak Ngai In I Kahnak A Chuak.

Sagaing ramthen Tamu myo ah nihin April 10,2021 chun suimilam 12:00 ah khan sandah piahtu hna an um nak hmun cu ralhrang nih meithal in an kah than hna tiah theih a si. Ralhrang nih meithal in an kah hna ruang ah lampi ah Motorcycle in a kal liomi pakhat cu meithal kuan nih a khen i a hmun ah a nunnak a liam tiah theih a si.

A tu zanlei tiang ah khan Tamu ah mipi le ralhrang kar ah kahnak a chuah cuahmah ko tiah khuami hna nih an chim.Tamu hi Kalaymyo bantuk in ralhrang pawl kha Lai meithal le ngeih mi hriamnam poh in a doh vemi khua an si. Palik sakhan zong an rak luh hnawh i palik 5 an nunnak s rak liam.Tamu hi India le Myanmar kar pehtlaihnak lam ah a biapi ngaimi ramri khuapi pakhat a si. Tamu lei in
India lei ah a zammi mipi zong tampi an um cang hna.

RELCHAP -A Poi Tuk Ee : Ralkap Nih Kan Chin Pasaltha An Kan Thah Piak Tthaan : Ralkap le palik nih April 7 zingah kalay mipi runvengtu KCA sakhan an rak luhhnawh lio tan ah ralkap le palik doh in a si khawh chungin le nunnak thap in a rak dohtu hna pasal th̀£ a Salai Biak Lawm Cuang cu kah thah a si i ni 4 hnuah lawng a ruak inn a phan kho tiah theih a si.

Salai Biak Lawm Cuang cu April ni 7 i kahdohnak ah a tel ti lawng a chungkhar pawl nih an theih i a hnu ah inn a tlun ti lo tikah zeidah a cang hnga tiah a thawngpang an thei kho ti lo. Ralkap le palik nih an tlaih caah maw si, siloah a zaam dah, silole a cungah thil pakhatkhat hlah maw a tlung tiin a chungkhar lungrethei in an rak um.

Mi cheukhat nih Kalay ralkap sizungah mithi ruak a um tiah an chim i Salai Biak Lawm Cuang a chungkhar hna cu kan fapa a si sual hnga ma tiin lungrethei in an um i mithi cu an va zoh tikah an fapa Biak Lawm Cuang cu a rak si taktak ai. Tuni april 1o ah Salai Biak Lawm Cuang ruak cu a ruak an tlunpi hi a si. Ralkap nih mipi runvengtu sakhan an kah tan ah dah an kah ve mi a si i, sioah an tlaih hnuah a thimi dah a si ti thawng ang theih a si lo.

Salai Biak Lawm Cuang (kum 26) cu Tahan F Group ah a ummi a si i nupi le fa pa 2 ngei cangmi a si.A fale pahnih cu ngakchia tete an si rih ti a si. April ni 7 zingah ralkap le palik le kalay mipi raldohnak ah mipi lei minung 12 an thi tiah theih a si i ralkap lei a thimi an um maw zeizat dah an thi ti theih a si rih lo nain, a thimi cu an um ve hrimhrim tiah a chimmi zong an um ve. Mipi leiminung 18 an tlaihmi hna lakah minung 7 cu ralkap nih nizaan April 9 ah an thlah cang hna tiah theih a si. Tantakmi chungkhar Bawipa nih hnem hram ko hna seh!

Be the first to comment

Leave a Reply

Your email address will not be published.


*