BOCHANMI KANPA PU ENOCH NIH MUAL AA KAN LIAMTAK

Ngeihchiatnak thawng. Bochanmi kanpa Pu Enoch nih mual aa kan liamtak. Yangon um Hakha/ Thantlang LCB Vice Chairman , LBC EC Upa le Laimi Lak ah bochanmi kanpa Pu Enoch cu CUAP, KAL, LUNG, THING that lo zawtnak in ICU ah caan saupi a umnak in tuchun november ni 30 zinglei suimilam 2:23 ah mual aa kan liamtaak.

Taantaak mi chungkhar dihlak nan ngeihchiatnak Pathian tu nih in hnem ko hnaseh. Sungsung Pa Hakha, Thantlang LCB le LBC na rianttuan tti hna nih kan in philh kho bal lai lo, Kan mitthlam ah na cuang zungzal ko lai. Credit: Lian Iap.

Thawngpang dang. Iran nih sual an puh cang hna. Iran thiamsang bik tiah an ruahmi Iran nuclear programme tuahnak ah abiapi taktak tiah an timi cu nizan tihni ah Tehran khuapi ah an kahthah. Hi thahnak kongah Iran Foreign minister nih atimi cu Mohsen Fakhrizadeh thahnak ah hin Israel pehtlaihnak angei tiah a chim. Israel hi kum tampi chung cu Iranian Nuclear Scientist pawl thattu ah puh asi.

Sihmanhsehlaw Israel nih cun zeibia hmanh an chim bal ve lo. Israel PM nih arak chimmi cu mipi vialte hna Israen scientist Fakhrizadeh hi a min theih peng ding asi lai tiah arak chimh cang hna. Thawngpang atuhi alinsa ngaingai cang. Aruang cu nikum in tukum ah Iran nih an i bochan taktak mi hna cu thah an si hna, i atu hi Iran cu athin alinh bak in a lin cang ti asi.

Hi thahnak ruangah tutan US President atling dingmi Joe Biden le Iran karlak zongah Iran nuclear konglam cu ruahning bantukin asi te lai lo tiah an chim rih. Tutan thihnak konghe pehtlaiin US President Donald Trump nih atimi cu Iran caah cun sunghzatlaknak nganpi asi ko tiah alanghter. Fakhrizadeh cu Absard khua ah thah asi.

Hi thahnak kongah Iranian state telivision nih a chimmi cu Thing aphurmi motor tthingmi tangah bomb an chiah i, Fakhrizadeh amotor pawngah a buak tiah an chim. Cutikah amotor cu adir i, minung panga nih meithal in an kahthah. Ahnuzultu hna cu an nunnak aliam lo i, amah tucu ahmun lila ah a nunnak aliam tiah an chim. Hithahnak hi mizeihmanh nih kanmah tuahmi asi tiah an langhter mi a um lo.

Sihmanhsehlaw Iran Foreign Minister Mohammad Javad Zarif nih cun Israel apuh hna i, hi thil cu ram pakhat cawlcanghnak asi ko. Ralhrang hna nih Iranian Scientist an thah i, hi miralchia hna thiltuah mi ah hin Israel hi pehtlaihnak an ngei hrimhrim ko tiah a chim. Iran Supreme leader le Hossein Dehghan zong nih Israel an puh ve i, an tuahmi man cu an hmuh hrimhrim lai tiah an chim.

Be the first to comment

Leave a Reply

Your email address will not be published.


*