BOCHAN BAK MI NIH PU NGUN SANG CU NAWLNAK ATUAH KO CANG

Kawlralkap nih uknak an lak hnu ah an mah ralkap lila nih rian an khinhmi Chinmi pahnih konghe pehtlaiin Chinmi nih kan i Bochan taktak mi Salai Bawi Lian Mang nih Pu Ngun San Aung le Pu Ko Suan Khai hna cu fakpi in nawlnak a tuah cang hna. Salai Bawi Lian Mang nih nawlnak atuahmi konghe pehtlaiin cabia alanghter in a ttialmi cu a tanglei bantuk in a si.

I strongly ask Pu Ngun San Aung and Pu Ko Suan Khai to reject the illegal military appointment.Pu Ngun San Aung le Pu Ko Suan Khai hna kawl ralkap nih ningcang lo in nawlneih nak an lak hnu i an dirh mi SAC cozah ah itel dingin rian an pek mi hna kha cohlang hlah u tiah fakpi in kan fawrh/nawl hna.Pu Ngun San Aung cu pumpak in ka upatmi, ka bochan mi le ka dawt mi asi. Chinmi kan pa le mifim kan neih chun mi hna chung ah ai tel ve mi asi.

Ahmasabik Democracy cozah lio zong ah Construction minister a rak ttuan mi asi. Mi ding, mifel, mi ral tha asi. Chin mi zapi nih kan upat, kan dawt, kan bochan mi asi caah Kawl ralkap nih ningcang lo in uknak an lak i an sin ah itel ding in rian an khih mi cu a pom piak hna lo ah a ttha bik, Zei catiah Pasal ttha asimi, a good politician nih cun principle, integrity le dignity kha an nunnak pek in an runven tawn mi asi.DINFEL NAK LE MIPI THAZAANG IN TEI NAK KAN HMUH HRIMHRIM LAI, Credit: Salai Bawi Lian Mang.

Ralkap Tapung Dohnak Day 7: 1. CDM cawlcanghnak an hlawhtling chin lengmang. 2. Ralkap an hrang chin lengmang. 3. Palek le ralkap he hmaitonh in iphomhn nakin a si khawh chung in hrial i zuam ding. Thisen chuah hrial ding, 4. Zantim ah ralkap le palek nih tlaihkhih a si caah hruaitu hna mah inn ah riah lo ding. 5. Ralkap le palek nih tlaih khih ton tik ah innpa, chakthlang he ibawmh in ichanhchuah ding. Sihni au khawh dingmi, ingeih cia ah a tha.

Paruknak. Cozah rian an phuahmi hna caah mah le si khawh tawk cio in bawmh ding. 7. Ralkap lei ttang cozah riantuan pawl min cazin laak khawh izuam ding. Tutan ralkap dohnak hi NLD party cozah sinak tiang lawng a si hrimhrim lo. Democracy taktak kan ngahnak ding, 2008 phunghrampi hrawhnak ding le Federal state kan ngah khawhnak tiang lam a sial piak kho dingmi a si. Democracy timi le Federal timi hi then awk tha lomi a si. Tangka tlang cung i a cuangmi “KHAWNG le PAAN” bantuk a si.

Tunisia ram ah CDM cawlcanghnak nih ni 26 ah uktu tha lo an thlak khawh. Tutan ralkap tapung dohnak a hruaitu, Generation Z pawl an smart taktak a si. 88 Generation nak in an let tam tuk in an smart. Tutan cawlcanghnak ah a telmi vialte upatnak kan pek dih hna. CDM cawlcanghnak hi a biapi tukmi a si caah ngol loin pehzulh a hau. Ralkap nih fawi tein power an thlah duh lai lo caah caan sau a rau kho.

Cucaah lung dongh lo ding, hmai ah nawr chih a hau. Freedom is Not Free” ti a si caah zalonnak, luatnak kan timi hi fawi tein hmuh khawh a si lo. Ithap ve a hau, sacrifice tuah a hau. A thla in kan tuar kho, a kum zong in kan tuar kho. Kan i tinhmi kawltung kan phan hlan lo, pah chih a hau. Kan tei ahcun teinak thantaar kan phun lai, kan tei lo ahcun sal ah chan chung an kan tuah lai. Hnu kir awk a tha ti lo, hmailei ah kal lawng kan rian a si. Credit: Salai Lairamthang

Be the first to comment

Leave a Reply

Your email address will not be published.


*