BIDEN BIAKAMNAK TUAH NI AH KHUARUAHHAR THIL A CHUAK LAI

Vanrang tangah a ummi, Jupiter le Mars lei in a rak zuangmi Asteroid pe 108 in Pe 302 tiang a nganmi lungtumpi 4 hna cu Joe Biden President biakamnak a tuah ni January 20 ah vawlei he a naih biknak hmun an phan lai tiah NASA lei thiamsang hna nih nizan ah an chim. A ngan bikmi lungtum hi pe 302 a nganmi a si i, Liberty lungphun tia a si lai tiah zumh a si. Suimilam pakhat ah khan 29000 mile per hours in a rak zuang lai i, vawlei he khan 600,000 a hlatnak tiang a hung phan lai ti a si.

Zeiruangah mah ni le mah caan thengte ah mah lungtum pa 4 hna nih vawleipi an rak fuh timi hi aho nih a sullam taktak an chim kho lo, anmah le an zumhning cio in sullam an chim cio. vawlei pin ah vawlei dagn tampi a um i an cawlcang cio. Universe thil umtuning cu a sertu Pathian [ creator ] lawnglawng nih a dikdiar in a hngalh lai tiah khrihfa hna nih cun zumh a si. Zei hmelchunhnak dah a si ual hnga?

Mah zong Hi:Capitol Hill in khan khat lawng a hlatnak Navy Yard pawng i, homeless pawl an umnak hlei tang in meikhu an hmuh caah Biden Inauguration rehearsal an tuahmi cu an ngolter hna. Capitol Hill le a pawngkam vialte lock-down an tuah dih. Main Stream Media pawl nih cun Trump Supporter pawl an puh manh cang hna. Homeless pawl nih an hmanmi rawlchuannak propane tank a puah caah a si an ti.

Washington D.C khuachung vialte cu khuabawi, Murial Bowser nih emergency declaration a tuah i, President Donald Trump sin ah security a hal bantuk in President Donald Trump nih National Guard minung thongkul renglo a chiahpiak hna. Biden nih biakamnak a tuah tiang emergency declaration a hmun lai. Meithal a tlaihmi hna nih meithal he lamzawhnak an ngei lai tiah FBI nih ralrinak an pek hna caah atu bantuk Security chah deuh in an tuahnak a si. Credit: Salai Lairamthang

North Korea hruaitu Kim Jong-un cu nawlngeihnak an chap tthan cang. Nawlngeihnak sangbik cu chap tthan asi. Naite khan North Korea Rulling Communist Party hna tonnak an ngei. Cu ahcun General Secretary Title cu Kim Jong-un sin ah pekchanhnak an tuah hi asi. Culawng siloin Nuclear Weapons serchapnak kongkau zong ah siseh Sipuazi kongkau zongah nawlngeihnak pek rih asi.Kim Jong-un cungah zeibantuk thil tthanchonak siseh, phunglam thlennawnnak kong zongah amah kut dih lak in chiah asi cang lai. Hi nawlngeihnak tutan ah Kim Jong-un an pekmi hi a pa siseh apu le hna an kutchung ah rak pek cang ve mi zong an si.

Hi nawlngeihnak chapnak hi kum 2016 hnu ah a voikhatnak Ruling Party congress hna nih an tuah hmasa bik mi asi.North Korea cu Covid zawtnak ruangah biatak tein an ram sipuazi ah siseh ramchung puicimh ruangah siseh US dantatnak ruangah harsa ngaiin an um i, hi harsatnak an tonmi hrial dingah alamkip in rian an ttuan lai ti asi. Cuthil cu an caah abiapi ngaingai mi thil an ttuan dingmi asi tiah an chim. Theihcio bangin Kim Jong-un cu kum 35 minung asi cang i, nawlngeihnak zong an chap cang.Atu ahcun Chairman of the State Affairs Commission le Supreme Commander of North Korea sinak cu a kut ah a um cang i, Top Party Post dirhmun sinak atlai cuahmah mi asi rih. North Korea aral nganbik mi hi US asi tiah an chim.

Hi ruangah hriamnam lei in biatak tein karhlan aa timhnak hi asi i, US hi dir onh kho ding le US dirhmun phak hi ai timh bik mi asi. Cucaah tutan ah nawlngeihnak pekchap asinak zong hi asi lai ti asi.Cun mah konglam zong hi Congress meeting an thut nak ah an chimmi asi tiah an langhter chih rih. US cu theihcio bangin President ah Joe Biden asi cang lai, Biden he hin zeitindah an sining le an dirhmun a um te lai timi cu vawleipi nih an cuanh cuahmah lio asi. Trump chan ah khan cun an dirhmun cu khuaruahhar lei in arak ttha ngaingai. Asinain remnak tlamtling tu cu an rak tuah kho thai lo.

Joe Biden nih Trump rianttuannak bantuk in apehzulh duh lo asi ahcun US le Joe Biden caah North Korea cu hnahnok taktak le vawlei thinphantertu asinak apeh zulh khawh cang lai ti asi. North Korea tunmernak ding hi Kim nih aa timh pengmi thil asi i, Nuclear hriamnam hmangin US le Vawleipi zong hrocer dingah nawlngeihnak pekchap asinak nih hin vawlei caah thinphan nak aa chap cang lai tiah an chim.

Be the first to comment

Leave a Reply

Your email address will not be published.


*