Hakha um Congthia Mino nih Thawngthanhnak le nawlnak. Cheukhat online media nih Congthia Khua thawngpaang an thanhmi chungah Congthia khuabawi(Pu Mang cung) nih ralkap uk duhlonak langhternak lam a zawhmi mino hna a tlerhkhonh hna i report a tuah hna timi thawngpaang a thangmi hi thawngdik lo a si ca ah hibantuk thawngpang dik lo hi kan thanhpiak hrimhrim ti hlah u.
Hi bantuk Thawngpang diklo ruang ah Khua min zong a chia i khuami pakhat le pakhat kar ah hmuhthiam lonak tiang a chuak kho mi a si ca ah hi hnu ah thawngpang diklo cu kan thlahpiak hram ti hlah u tiah Hakha um Congthia mino nih thawng kan in thanh hna. Biakilh: Hi bantuk thawng dik/hmaan lo hi atu hnu na tial than a si ahcun a tialtu nih tuanvo na laak cang lai.
Cucaah kan tial piak hram ti hlah uh tiah Hakha um Congthia mino nih kan in nawl hna. Hi ca a tialtu le tuanvo ngeitu kan hlat cuahmah i thawngfiang deuh thanh khawh kan in zuam than hna lai. Credit: Democratic Voice of Chin-DVC
Relchih:Mipi tlaihmi le Ralkap tlaihmi an i thleng. 3 April 2021, Kalaymyo-Tahan ah mizapi nih tlaihmi Traffics rianttuantu le polices 6 hna cu ralkap nih tlaihmi mipi 9 hna he i thlen in siamremnak tuah asi. Hi bantuk i siamremnak hi Ralkap lei in tuanvo ngeitu hna nih hal/nawlnak hmasanak in thokmi asi i mipi lei hruaitu hna he i ton hnuah biachahnak tuahmi asi.
Ngiathlaitu 1 (Dalaan) mipi nih an tlaihmi tu cu sang khuabawi sinah ap asi i biakamnak le chimhhrinnak neihter asi. Mipi lei thong a tlami 9 an chuah cang hna i, a ra laimi 5 April (Cacawn nikhat ni) lei ah a chuak rih lomi mipi thongtla dang zong chuahpiak dih dingin biachahnak an ngei, Sihni nih minthutnak neihpiak zong a herh lai tiah kan theih. (Hi thawngpang kong he pehtlai in update tuah khawh kan i zuam lai). Credit: The Hakha Post.
Leave a Reply