BIAFIANG: CDF PASALTTHA HNA NIH MEITHAL ZUNKHAT HMANH AN PUAH LO

TCP:Mindat CDF nih meithal zunkhat hmanh puah loin ralhrang umnak sakhan an lak khawh. Bugyi pakhat telh in rallokap minung 2 nih an hriam chiah in CDM an lut. Thlanglei laitlang Mindat peng chung khuahme pakhat ah a ummi Makyi-Ingnu (မကြီးအိမ္ႏူးရွိ) palik sakhan cu Mindat CDF phu nih July 24 ah kal in an doh hna ah meithal zunkhat hmanh puah lo in an lak khawh.

No photo description available.

Rallokap lei in Bugyi pakhat tel in palik le rallokap minung 6 nih an hriam an chiah. Kahdoh maw si lai, CDM dah luh si lai tiah hal an si tikah ,tuan tein CDM luhduh mi an rak si caah a tlamtling, meithal zunkhat hmanh puah lo in kan tlam a tling, palik le rallokap zong an i tel tiah Mindat CDF he pehtlai in pakhat nih a chim. Cu ka palik sakhan an lak khawh lio ah hriamchia in CDF he aa fonh mi hna cu sakhan in rianngei, ralkap university no.55 ah a dih mi Bugyi Thein Htayt(သိန္းထိုက္),

May be an image of tree and outdoors

Rallokap minung 2 le palik 3 an si tiah theih a si. Makyi-Ingnu(မကြီးအိမ္ႏူးၿမိဳ့) khua cu Seihphyu(ဆိပ္ျဖဴ)- Saw(ေဆာ) -Kanpalat( ကန္ပက္လက္) Palatwah (ပလက္ဝ) lam cung ah a ummi a si, cu sakhan ahcun ralhrang minung thazaang 20 leng an um nak a si nain , a cheu cu CDM ah lut mi an si tiah CDF sin in theih a si. Rallokap sakhan an lak lio ah meithal 22 le meithal kuan, hriam dang thilri zong kan lak khawh tiah CDF lei in biachim nak nawlngeitu pakhat nih a chim. Myanmar Now

Thawngpang dang:Ngaihchiatnak thawngpang, Pu Mang Kham A Ruak In Char A Si. Nizaan July 25 suimilam 2 ah Mizoram, Serchhip ram Mat tiva cawmkai ah ruak char a si i, Mizoram police sin ah theihter a si hnu ah Pu Mang Kham a si tiah theih a si. Pu Mang Kham hi kum 56 hrawng a si i, amah lawng hmun dang te khua a sa mi a si.

Vanchiat a tonhlan ahhin a tlaknak hmun cawmkai chak Pu Lalduhawma, Serchhip Darnam veng fu dum ah khua a sa mi a si tiah theih a si. Amah hi Hakha mi a si i, Serchip ah caan saupi khua a sa cang mi a si i, aruak hi Serchhip, Dinthar thlamual ah vui a si. serchhip chanchinthar, Laknak: The Chin Post.

Thawngpang dang:Mindat CDF nih ralhrang kawlralkap camp pakhat an lak khawh. Mindat peng Makuieinu khua ah ralhrang kawlralkap le ralhrang sin ttang hna umnak camp pakhat cu nizan tihni July ni 24 ah Mindat CDF hna nih an kulh dih hna i, an meithal le hriamnam dang zeimawzat an lak hna tiah Mizzima thawng zamhnak nih a langhter. Hi konghe pehtlaiin atanglei bantukin a chim.

CDM ah a lutmi Captain Thun Myat Aung nih a chimmi cu Ralhrang kawlralkap le ralhrang kawlralkap hna he a ttangtti mi hna umnak campi pakhat cu CDF hna nih an lak khawh. Camp an lak lio ah hin hliamhma apu mi zong an um lo. Camp ah a ummi vialte hna cu asung an khan dih i, CDM ah an lut colh hna. Asinain minung pali nga hrawng cu CDM tuah an duh lo i, an thlah hna tiah a chim.

Ralhrang kawlralkap hna le Mindat CDF hna cu i kah lo dingin zeimawzat tonbiaruahnak le remnak or hnatlaknak an tuah. Asinain ralhrang kawlralkap hna nih an biakam an zulh lo caah i kahnak a chuak tthan. Nai hrawnghrang le bang cu CDF mindat le ralhrang kawlralkap hna cu nifatin ti awk in an i kap hna tiah theih a si.

Be the first to comment

Leave a Reply

Your email address will not be published.


*