BAWMHNAK AHMU DING AH NAI TEL VE MAW VUN ZOH TUAH

Thawngpang Ttha taktak US ummi Laimi caah a chuak. Arauh hlan ah US cozah bawmhnak cu kan mah sin ah a phan cang lai tinak asi. Aruang cu fiang tein thawngthanhnak an tuah cang. Hi konghe pehtlaiin hitihin thawngthanhnak an tuah. US Treasury secretary STEVE Mnuchin nih hmaizarh chungah cozah bawmhnak $600 kuat dih nan si lai tiah tuzing ah CNBC interview ah a chim. Kum khat income $ 75000 tang a ngahmi paoh nih hmuh a si lai.

Minung Pakhat Nih Stimulus Check $600 Cio Ngah Si Lai. Congress palai pawl cu weekend zongah din loin meting an tuah hnu ah US$900 billion economic relief package cu White House, Republican le Democrats hruaitu hna lungtlinnak an ngei cang. Mah lungtlin mi chungah minung pakhat nih $600 cio pek dingmi zong a tel chih. Asinain kum khat ah minung pakhat nih US$ 75000 nak tlawm a hmumi lawng nih an co lai.

Kum khat hmuhmi income $75000 a ngahmi nuva nih fa pahnih an ngeih chih ahcun $2400 an ngah khawh lai tinak a si. Thaizing ah zeitik ah dah Stimulus Check an kuat lai timi fiang deuh in an chim te lai. Rian ngei lomi unemployment benefit a ngahmi cu zarhkhat ah federal nih US$ 300 pek chap an si lai. Small business a tuahmi hna caah $300 billion an thlak piak hna.

Mah hi cu small business a tuahi pawl nih sawk dingmi a si. Tu zanlei ah Senate hruaitu Mitch McConnel nih hnatlaknak an ngei cangnak Washington Post ah a chimmi a si. Atu an chuahpi mi bill hi kap hnih lungtinnak a si cang caah fawi tein senate le house nih tuzan asiloah thaizing ah an pass colh lai tiah zumhnak an ngei. Congress nih an pass mi cu President Donald Trump nih min a thut lai i fehter colh a si lai. President Donald Trump nih cun minung pakhat nih $1200 in $2000 tiang pek ding an si tiah a ti.Nan hawile a thei lomi caah rak share chin te ulaw. Salai Lairamthang

Relchih: Michigan zong zahan ka tial cang, Arizona, Nevada, Georgia, Pennsylvania le Wisconsin cu vote relnak seh cu a dihlak zohthan dih a si lai. Tutiang Audit tuahmi ah an hmuhchuahmi cu a mak tuk cang kha. Trump nih Pennsylvania cu vote lih a tamtuk le a tu Audit a tuahmi nih an relcawklo a ti. Amak hi aw.Martial Law hman a hau ti lailo.

Cun tukum I milu relnak Census le vote thlami zat a dik lomi tamtuk a um timi ka rak tial cang kha.Supreme court justice zong an lung a fim ruangmang te lai.Trump a dirkamhmi poah news an thangcho mipi nih an uar hna. Trump a tanh duhlomi news poah an tla cang.Trump zong hi Pathian nih fek deuh in ka bochan seh ti a duhnak a si ve.

USA ram sersiamak ah hitluk in Pathian lianngan thawnnak nih a dirpi zungzal. CNN news cu fak taktak in a tla ruangmang cang ai. Laimi lakah Trump dirkamhtu cu mipi nih uardeuh an si ve cang. Trump dirkamh lo poah an tla ve ai. Ahohmanh kan nikhat dih kan thiamhnak tu ai dang , kanthil tikhawhnak ai dang ve.Mirangholh a thiammi hi Mifim an si dih fawnlo . Athiam lomi zong mihrut kan si dih fawn lo. Pathian mit in cun a mah a tihmi le ai bochan mi khi thlarau mit a aumi khi Mifim a ti hna.

Be the first to comment

Leave a Reply

Your email address will not be published.


*