AUSTRALIA LAIMI CHUNGKHAR KHAT CHIMCIO HNA USIH ABIAPITUK MI ASI

Australia Citizen Soknak Kong Thawng Thanh Nak.Sanetor Dean Smith nih Citizen soknak kong ah cozah sin ah a kan chimhpiak hnu in tu thla chung ah Chinmi minung (10) cu interview an auh hna ii minung (2)cu reject an tuah hna. Adang minung (8) cu tlamtling tein an cohlan hna.

Citizen soknak kongah Sanetor Dean Smith nih Australia Cozah sin ah akan chimhpiaknak hi kum khat leng asi cang, thil sining theih duh ah January thla ah Chin Ramkulh le Karen Ramkulh ah a tlawng hnu in thil si ning vialte a hlathlai hnu ah Australia cozah Citizen lei nawlngeitu hna sin ah dengteo tein a chimh than hna.

Australia Cozah Citizen lei nawlngeitu hna le Sanetor Dean Smith le Perth Khua um Chin miphun dih lak hna he August thla chung ah Citizen soknak kong he pehtlaiin meeting tuahnak kan ngei lai tiah thawng kan thanh hna.Renny Ceu Lian Mang. Chairman, Australia Chin Federation

Relchih:Australia Citizen Sok Nak Kong Le Chungkhar Unau Auh Nak A Tuah Mi Hna Caah Thawng Thanh Nak.Australia Department of Home Affairs nih meeting a kan sawm i nizan ah cozah lei tuanvo nei mi minung pathum hna he tonbia ruah nak kan ngei kho. COVID-19 zawt nak he pehtleih in thawng thanh nak kan tuah mi tlamtling tein nan community cio ah thawng nan kan zamh piak caah lung lawmh nak tampi kan ngei.

Hi thawng thanh nak kan tuah mi ah hin miphun thleiden nak kong he pehtleih in mi tampi nih nan rak zoh, nan rak share cio i kan i lawm tuk. Rian nan tuan nak ah siseh hmun dang ka dang nan um kal nak ah miphun thleidan nak tuah ser nak in siseh, hmur ka in siseh nan hmuh, nan ton ah cun Australia Cozah sin le Palek sin ah report tuah colh hna uh tiah an kan ti rih..

Australia Citizen a sok mi hna cu pakhat hnu pakhat kan auh cang hna. Hi kong he pehtleih in caan zei maw zet cu kan rau lai. Cu leng ah cun COVID-19 ruang ah mah le State cio in tuan cio asi lai.Ram hnih nak ah a tang mi chungkhar unau auh nak a tuah mi hna kong he pehtleih in Australia Cozah nih rian tuan hram kan thawk than cang tiah thawng tha tak tak a kan thanh.

Chungkhar auh nak kong le Citizen sok nak kong ah hin Senator Dean Smith nih January thla Laitlang a tlung hnu in biatak tein Australia cozah sin ah a kan chim piak ruang ah Australia cozah nih Community cio ah thawng thanh ding in hi ban tuk in theih ter nak an tuah than nak hi asi. Prime Minister Scott Morrison nih Election lio ah bia a kamh mi hna cu a tu ah pakhat hnu pakhat a pek thluahmah hna. Prime Minister ka tuan than khawh ah cun Kawlram mi kum thum chung pehtlai tein kan lak hna lai tiah a kan ti caah ram hnih nak a tang mi kan miphun caah ruah chan nak tampi kan ngei.

Ralring pek nak, Citizen sok nak kong ah Kawlram lei in a deu in cah mi catlap pawl hman hrim hrim lo ding.Citizen sok tik le chungkhar unau auh tik ah ca holh kan thiam lo ruang ah a thiam mi kan fial hna i a kan tial piak mi kha a lawh pah dih caah cozah lei nih lung hring nak le zumh lo nak a kan ngeih nak hi asi.Ref: ACF