APOITUK EE, CHIN MI AA KAN BAWMTU A NUNNAK ALIAM EE.

Chin Ralzam Bawmhnak ah Biatak in Thazaang a Chuahtu Champhai MZP President Motor Accident in a Nunnak a Liam.Atulio Chin ralzam pawl bawmhnak ah biatak tein thazaang a chuahtu Mizo Zirlai Pawl, Champhai i an President a simi Pu H. Lalramhluna (Valpuia) cu nihin zinglei sml. 2:00 ah Champhai le Aizawl karlak ah motor accident in a nunnak a liam, tiah kan theih.

May be an image of 1 person and standing

Champhai in Aizawl lei an kalnak lampi ah minung pathum an i citmi motor accident a tong i Pu H. Lalramhluna he a hawipa Zirsangliana hi a hmun ah an nunnak a liam. A dang an hawipa Lalthanfela cu sizung ah an kalpi i nunhim in a um. Credit: The Chin Journal

May be an image of outdoors

Relchih:Tanphu Khua ah Lai Khrihfabu Tangka le Khuami Tangka Ralkap nih an Lakpiak Hna. Kalaymyo peng chung i Lai khua pakhat a simi Tanphu khua ah nihin zanlei ah ralkap 30 hrawng nih an luh hnawh hna i khuami tangka an lakpiak hna pin ah Khrihfabu tangka zong an lakpiak hna, tiah tangka lakpiak a tongmi hna nih The Chin Journal ah an chim.

Nihin zanlei sml. 5:00 hrawng ah Lai Baptist Church, Tanphu ah Sunday School sayama a simi nu pakhat i a chungkhar inn cu ralkap nih an luh hnawh i an tangka bawm chung i 70,000 MMK an lakpiak hna. Ralkap nih an lakmi tangka 70,000 MMK chung ah hin 20,000 MMK hi Chin Baptist Association (CBA, Kalay) Magazine an zuarmi man a si.

Sunday School sayama le a naunu zong ralkap nih an tlaih hna nain an thlah tthan hna. Tanphu khua pawng ah hin Gangaw lei in a rami ralkap pawl khamnak ca ah mipi nih ral kahcham an sermi a um i, cu ruang ah cun ralkap nih khuachung ah a rak kan luh hnawh i a si lai, tiah khuami nih an chim. Nihin zanlei Tanphu khuachung ralkap an rak luh lio ah minung cheukhat zong an tlaih hna, tiah thil sining a mit in a hmutu Tanphu khuami hna nih The Chin Journal ah an chim. The Chin Journal

Be the first to comment

Leave a Reply

Your email address will not be published.


*