APOI TUK EE, CHUNCUNG KHUA INN KANGHNAK AH MINUNG PAKHAT A NUNNAK ALIAM

Apoituk hringhran ko ee, Laitlang Hakha peng Chuncung ah inn men kanghnak a chuak. Chin ramkulh Hakha peng Chuncung khua ah nihin tuni September 11, 2020 zan suimilam 9:00PM hrawng ah khan inn kanghnak mei a chuak tiah thawngpang theih a si. Hi kanghnak konghe pehtlaiin atanglei bangin a si.

Hakha peng Chuncung khua ah Inn a kangmi hi Pu Lian Hram inn a si i dot hnih a si. Cung dot he tang dot in mi nih an hlan mi a si. Cung dot a hlang tu Pu Hup Tu cu mei kanghnak in a nunnak a liam tiah khuami hna nih an chim. Hakha lei inn meithat a ra nain meithat Motor a phak ahcun khuami nih inn kang mei cu an rak hmih khawh dih cang.

Ngeihchiatnak a chuahpin ah apoituk mi thil cu Inn chung thilri zeihmanh chuah manh in inn cu a kang dih tiah an chim chih. Zei ruang ah dah inn a kangh i zeitindah mei kanghning ai thok ning a si timi theih khawh a si rih lo. Ngaihchiatnak le harnak a tongmi Bawipa nih an ngaihchiatnak hnem ko hna seh.

Be the first to comment

Leave a Reply

Your email address will not be published.


*