APOI KO. TIO PAWNG RAMRI AH HRIAMNAM AN TLAIH HNA

Kawlram ah luhpi dingmi thil a puak khomi phunphun cu songkhoi 26 khat cu tuni June ni 22 ah Assam Rifles pawl nih minung pahnih kut in ramri ah an tlaih hna tiah thanhnak an tuah. Tuni an tlaihmi minung pahnih hna cu Farkawn khua ah tlaih an si. Farkawn khua hi CNF umnak camp pawng te ah a ummi khua a si i, Thantlang peng Tlanglo he ramri te ah a ummi an si.

An tlaihmi hna hi Durtlang palek zungah an kual colh hna. An thilri an tlaihmi songkhoi 26 chung ah hin thil a puak khomi 36 le bomb paruk zong ai tel. Culawng siloin wire zeimawzat zong ai tel tiah an chim. Tuni ah an tlaih mi thil hi zeibantuk pawl i dah a si, CNF i maw asi CDF i dah a si timi tucu thanhnak an tuah chih lo.

No description available.

Thawngpang dang:Tuni i kahnak ah ralhrang kawlralkap nih thawng thanhnak an tuah. June thla ni 22 ah a cang mi Mandalay PDF le SAC ralkap I kahnak ah PDF lei in minung 8 an thi tian ralkap lei nih thawng an thanh. SAC ralkap lei zong fak ngai in aa hliam mi cheukhat an um I PDF lei minung 4 an thi I minung 8 cu an hriamnam he kan tlaih hna tiah ralkap lei nih cun thawng an thanh.

Mandalay I Chan Mya Tharsi sang ah a um mi inn pakhat cu ralkap lei nih an luh hnawh caah PDF lei he I kah nak cu tu zing ah a chuak. Cu pin ah mawtaw cung in ralkap pawl a kap len mi mipi mawtaw pakhat cu ralkap lei nih an dawi caah speed tamteuh in a kal I lam 56 le 110 karlak ah a um mi transformer cu a pah sual I mawtaw cung ah a cit mi minung 4 zong an thi tiah ralkap lei nih cun thawng an thanh chih.

PDF lei nih meithal le bomb in an kan kah hmasa caah kan kah than hna nak a si tiah thawng an thanh chap. PDF lei an umnak apikpak in an I dornak hmunhma pakhat cu ralkap lei nih an kah luh hnawh caah I kah doh nak a chuah nak asi tiah PDF lei nih tuzing ah an facebook page ah an tar. Cu pin ah mipi lei nih nan ti khawh ning cio in rak kan bawm ve uh tiah PDF nih mipi lei cu an nawl hna.

Be the first to comment

Leave a Reply

Your email address will not be published.


*