APOI BAK. SUI THIO NIH PASTOR PAHNIH LE CHUNGKHAR A TTHAWL HNA: VIDEO

Pu Sui Thio nih Pu Tin Bawi te chungkhar a tuahto hna ning cu lung a fak tuk hringhran. Thil sining chungkhar asimi Pu Tin Bawi le Pi Ngun Tha Tling te nupa hna nih an chimmi cu ngeihchia ngaingai asi ko. Chin cozah nih Hakha inn an hrawh lai ah nanmah tein inn ai theh mi cu cozah nih inn hmun kan in pek hna lai tiah chungkhar pawl hna cu biakamnak an rak tuah hna.

Culio ahcun Pu Tin Bawi te chungkhar hna zong cozah nawlchuah ning le cozah nih an tuahmi ning tein an rak zulh ve i, an inn cu an theh ve. Cun an inn an tthehnak hmanthlak tete cozah sin ah theihternak thatein an tuah. Caan a hung liam deuh tikah inn hmun pek le pek lo kong zeihmanh cozah nih thawngthanhnak an tuah lo tikah anmah tu lutlai hna sin ah an kal.

Sipin lei ah caan zeimawzat an kal cang nain a hnu ah Sipin nih kanmah kut ah a um ti lo e, Sui THio kut ah a um cang i, amah sin ah vakal ulaw tiah an ti hna. Pu Tin Bawi te chungkhar hna cu Sui Thio sin ah an vakal. Sui Thio nih zeihmanh nan ca a um lo tiah a ti hna. Asinain chungkhar lei nih thatein kan up dih cang mi asi a um ko lai tiah an ti i, Sui Thio nih cun a kawl i, an ca cu a hmuh.

Sui Thio nih a timi hna cu khah hnangam tein va um ko uh tiah a ti hna i, hnangam ngai in chungkhar hna cu an lawi. Sihmanhsehlaw caan a vun rauh deuh tik ahcun thawngpang zeihmanh an um lo tik ah chungkhar hna cu an vakal tthan. Sui Thio nih cun nan ca a um lo tiah a rak ti tthan hna. Kan rak rat lio zongah pei kan ca a um cu na hmuh ko kha tiah lehnak an tuah i, Sui Thio nih cun aw si tak tiah aleh tthan hna.

Chungkhar hna nih Pastor an i sawm i, khah kan ruahpiak ko hna lai tiah bia acah hna i, chungkhar cu an lawi tthan. Thawngpang zeihmanh a um bal hlei lo tikah chungkhar hna nih Pastor pahnih an i sawm i, Sui Thio ton ahcun an vakal tthan. Cu ahcun Sui Thio cu alin in aling cang. Nan ca a um lo mi cu zeitindah kan tuah piak hna lai, Kai manh lo vatin uh tiah Pastor te hmaizah loin ui tthawl le ar tthawl in a tthawl hna.

Sui Thio nih cun min thut a um lo tiah ati tthan hna i, min senthut mi cahe an i ken ko nain zeihmanh ah Sui Thio nih a relpiak hna lo. Sui Thio cungah chungkhar cu an ngeih a chia ngaingai. CHungkhar pabik Pu Tin Bawi zong nih aliamcia thimnak ah khan biatak tein a cawlcang ngaimi ka si ve. Ka inn hi ting 130 in ka cawksak mi asi i, ka thih hlan lo mah tangka hi ka hmu kho ti lai lo tiah a chim chih. Tlamtling tein video in rak ngai ve hmanh hika hi voikhat tein hmehpiak law video in na zoh or ngeih khawh lai

Be the first to comment

Leave a Reply

Your email address will not be published.


*