ANTONY: HAKHA SIT TIMI NIH ZEITEL MIAK NAK A CHUAH PIMI A UM MAW?

Antony: Pakhatnak. Hakha sit, hakha kokek timi nih hin zei khi dah asawh duh mi asi hnga? Pahnihnak, hlawknak le miak nak achuah pi kho maw? Pathumnak. fimnak, thiamnak teh, hakha sit, hakha kokek si nak nih achuah pi kho maw? Mipa\minu he bia van i ruah el tik ah kei mah cu hakha sit, hakha kokek bak ka si hi na ka hngal maw, holh hlah nang mah te hna tiah mi ti i min chal a hmang mi an tam ngai ngai.

Hakha khua chung i aum mi hakha paoh nih cun an hman dih mah bia hi kei mah cu hakha sit ka si na thei ma? I hro cer nak ah hakha mi nung ka si ai ti mi paoh nih cun an hman dih. cucu hakha kokek le hakha sit lawng nih hin holh nak nawl le fim nak le hngalh nak etc.. anei mi khi alo ngai ngai te,hakha sit lawng hi mi hmasa min nei le mifim thiam le mirum cathiam kan si CHIN ahuap tu bik kan si ti khi maw asi hnga? kei mah cu hakha sit bak ka si hi na ka thei maw?

Note.. hakha sit, hakha kokek ti mi an i chirh chan mi, an va sawh ter duh mi hi zei dah asi hnga ti mi hi theih khawh asi maw afianh kho mi nan um el hnga maw? A tang comment nak ah biachia kha tel loin zalong tein fianh nak ka duh ko. Credit: Antony ( Chin World News & Media )

US Kong thawngpangthar: Khuaruahhar thawngpang pakhat a chuak hoi cang. US thimnak kong result thlennawn asi khawhnak dingah North Korea hruaitu Kim Jong-un nih Tilong hmangin vote a kuat tiah an chim tthan cang. Donald Trump neihniam tein a ummi minthang pakhat asimi Roger Stone nih Conspiracy theorist Alex Jone sin ah khuaruahhar ngaingai asimi thil achim.

Atimi cu US election result thlennawn asi khawhnak dingah North Korea hruaitu Kim Jong-un nih vote tampi hna cu Tilong hmangin US ah akuat tiah a chim. Hi konghe pehtlaiin a pehmi cu biadik asimi elkhawh lomi siseh tehte a ummi cu North Korea Tilong hna nih Maine State Maine Tilong dinhnak hmun in Election result thlennawn asi nak dingah US ah vote a rak kuat tiah a chim.

Hi thil dottletnak an tuah hnu ah US thimnak kong ah hin ramdang minung an rak i thlak hrimhrim ko timi an theih chin lengmang. Hi konghe pehtlaiin thimnak kongah tawlreltu hna nih zeibia hmanh an chimmi aum lo ti asi. Trump le Pu Kim cu aliamcia kum 2018 ah Singaport ah tonnak angeimi an si i, Trump cu North Korea he tonnak angeimi US president chungah apakhatnak asi.

Tutan ah hi bia a chimtu Roger Stone cu aliamcia kum 2015 ah President’s White House Campaign in rak phuahmi asinain Trump lei ttangah a um mi asi. November 2019 zongah coah investigators hna sinah Roger Stone nih lih a chim tiah sualphawt asi i, thlapa thla 40 thongthlak dingin biachah asi. Asinain Donald Trump nih azaangfah i, a thongthlak caan a rak tthumhpiakmi kha asi.

Hi konghe pehtlaiin a chim tthan rihmi cu Donald Trump nih hin US President asinak hi ai dinh dingmi asi lo. Tutan thimnak ah teinak a hmuh lo asi zongah ralkap tthawnnak hmangin US khuapi cu anawlngeihnak in a hruai ding mi asi tiah a chim chih. Tutan thimnak kongah zeidah Trump lei nih an cawlcanghmi cu alawh lai timi theih asi rih lo.

Be the first to comment

Leave a Reply

Your email address will not be published.


*