AITHING KONGHE PEHTLAIIN FIANG TEIN THIL SINING LANGHTER ASI CANG: VIDEO

Tutan Hakha Peng Sipin nih Pi Van Bawi Hnem Aithing an tleihnak konghe pehtlaiin market ah thil azuar mi si hna seh, Hakha sipin lei nih thil sining an chim phuan mi a si. Thil zuartu hna hmur le ka vun theih ahcun Hakha Sipin rianttuantu lei an thiltuah mi tete zong hmuh khawh asi. Cuve bantukin Hakha Sipin lei nih an chimmi vun theih ve ahcun thil sining tete hmuh khawh thiamthiam asi.

Hakha Sipin nih an rak tleihpiakmi kannu pakhat nih atongmi kong a chimmi hi cu ruah deuh ngaingai cu a hau ve hnga? Kannu pakhat nih a chimmi cu Fangvoi thonghra man ka cawk, culio ahcun thil ka cahmi a rak phan i, ka thilcah mi cu an thlah cuahmah. Culio ahcun ka fangvoi cu thil thlak lio asi caah ka fim manh rih lo.

Asinain ka fangvoi cu sipin nih an rak lak diam tiah a chim. Kannu pakhat nih a chim ve tthan mi cu, kannih cu Khuapi ah a ummi kan si i, Hakha Sipin lei nih nan thil hi ka ah hin nan chia lai lo tiah aa kan chimh in, aa kan cawnpiak lengmang. Cubu in kan ngeih lo ahcun kan thil aa kan lakpiak tawn ko. Asinain Aithing a ngeitu kha cu khuate lei in a rak rami asi.

Cutik ah zulhphung tete zong a thei lai lo. Voikhat te tel hi cu an ngeihthiam ding ah khin kei cu ka ruah ko tiah a chim. Video ah an vun langhterning ahcun Sipin nih hika hin nan chia lai lo an tinak hmun cu hmuh khawh asi. Cun kannu pakhat nih a chim tthan mi cu lamka ah thil nan chia lai lo tiah aa kan ti ko. Asinain kan thilchiahnak hi zoh ulaw abittuk caah kan chiah tawn i asi ko tiah a chim.

Hakha Sipin lei nih an chimmi cu zulhphung thatein kan chimh ko hna, tuan lio zongah hi bantukin nawl angai lomi cu kan tleihpiak lengmang mi hna a si ko. Pi Van Bawi Hnem aithing lawng zong asi lo. Kha ni ah khan aithing lo zong tampi aitel ko tiah a chimmi he pehtlaiin zulhphung tete zong a langhter chih.

Tutan Hakha peng Sipin lei chimmi siseh, Pi Van Bawi Hnem aithing kong siseh, market thilzuar mi chungin kannu le tthen khat hna nih an chimmi chungin ahodah apalh i, aho dah a dik deuh timi cu pumpak cio biachahnak cungah aa hngatmi asi.Cabia cun a tlamtling lai lo caah atangah video in zoh le ngeih khawh asi. hika hi voikhat tein hmehpiak law video a dih dongh tiang ngeih le zoh khawh asi

Be the first to comment

Leave a Reply

Your email address will not be published.


*