AA KAN TUAH NING ZOH TUAH UH, HIHI MAW USDP LE NLD CU

Chin mi nih tutan Election ah kan ni ralrin bik ding mi cu, Kan nih Chin mi cu 100% ah 70% cu zumtu kan si. North Chin hi cu 100 ah 95% cu zumtu kan si i, South Chin belte hi 100 ah 65% hrawng hi Milem bia an si rih. Cu tik ah, Party USDP le NLD nih kum 10 chung kum 5 veve in an kan uk veve cang. Cu an kan uk chung Myanmar ram dih lak in an riantuan mi cu kan chim lai lo i, Chin ramchung ah an tuahser mi kan zoh tuah lai.

USDP in thawk u sih, USDP Cozah chan lio ah khan (Chin State PM)nih Hakha vailamtah an phun mi phong in (စေတီ) kan ser lai tiah buai nak a rak chuah pi. Cu nih zei dah kan hmuh khawh ti ahcun USDP nih hin Chin State Tlangpar kip ah hin စေတီ sar hi an uar ngai. Chin State cu Khrifa ram ah acan tik ah mah စေတီ pawl kha kan herh lem lo hlei ah biak nak he a kalh bak mi thil a si.

Cu caah USDP hi kawl biak nak caah cun atha bik party a sinain kan nih zumtu caah cun thinphang ngai a si. NLD kan vun zoh than lai, NLD hi mipi thinlung a la bik party a si i, Chinmi zong nih kan uar ngai. NLD nih kum 5 rian a tuan mi kan zoh tik ah Thantlang le Hakha ah (Aung San) milem srr ding in khua an khan.

Sinain Aung San milem hi Tlangcung mi nih cun kan herh lem lo. Chin mi nih paraltha tampi kan rak ngeih ve mi an tam pi. Aung San hi, Kawl pawl ca cun an Pa bik a si ko nain kan nih Tlangcung mi caah cun sal ah an kan taantertu a si ti uh sih law mi tampi nih cun nan pom men lai lo nain a si mi a si ko.

Aung San milem kan khua le ram ah a um kha a herh lem lo.Chin State nih kan ni ralrin cem ding mi cu kan biaknak le kan Phunglam a hrawk tu si loin a cawisang tu ding kha kan zoh a herh. Inn le lo khua le ram lawng dawt i, kan phunglam le kan biak nak zei a rel lo mi cu kan thim awk a si lo i. Thazaang kan pek ti hna awk a si bak lo.

CNLD tu hi bia tak tein dir pi u sih.Mi phun huat nak a chuah tar lai lo, kan biak nak he kalh in khua a khang lai lo.kan phunglam kha a upat lai i, Pathian a tih mi an si fon lai.Holhpi ah a buai lai lo e, lung rual nak tu ah a buai pi lai.Chin national Day kha zungkhar ni ah an tawlrel lai.Calendar ah an khum fon lai.

Credit: Salai Lal Lian HC