A UM CIA HE A LUT DING HE KAN DAWI DIH HNA LAI: DECEMBER VANDAWTLIAN HC

December Vandawtlian Hc: Chin Ramah Kan Ral Kan Theu Dih Hna Lai) Chin ramchung khua kip ah ral lut aa tim mi a si ah a um cia mi an si ah kan dawi dih cang hna lai! Chin mi hi ral thawh le hnahnok a duh lo mi miphun lungput tha kan si. Ral kan thawh cang hnu ah cun ral tei lo timi a ngei lo mi kan si. I tuk le i doh nak in hmun king kawl le panh tu a duh deuh mi miphun kan si.

Atu cu Vawlei pi ram a longnak hmunking panh wak a um ti lo. Kan hmun le hma pekhat zong thon lo dingin fek tein dirpi ding long kan si cang. CDF pengkip khua kip ah kan dir lai. Kawl Ralkap nih khua khat ah har nak a pek hna a si ah cun pongkam khua kip nih kan zuan hnawh hna lai kan kulh hna lai! Kan Ralkap CNA he mipi he ruahnak khat In kan ttang dih hna lai!

Khuakhat an kan phomh sual tik sual ah lenglei in Kawl Ralkap dang nih bawm chanh nak an pek khawh hna nak hnga lo pongkam khua nih ral Hau kan kham lai.A cheu nih harnak pek mi khua va chanh In kan va bawmh hna lai. Kawl Ral hrang nih zeitik hmanhah ral tuk an thiam bal lo I ral an tei bal lo. Mi tei cia mi fir long an thiam.

Kan miphun ningin Ram chung Ramleng in kan ttang tti dih hna lai. Kan mah le mah i lanh ding in i zuam cawh caan a si lo. Lar le min thatnak Kawl caan a si lo. Kan ral pa nih techis tein sungh dingin ready in a kan orh ko khi zoh u! Kan tei cia mi teinak lak dingah kan dih lak i phok cang u si! Bawipa nih teinak thazang he a kan dirpi cang! Catialtu: December Vandawtlian Hc.

Kawl Ralkap Hakha Ah Tampi An Phan Chap Lai - LAIHOLH NEWS

Relchih:Pasalttha Mindat CDF le ralhrang kawlralkap hna cu biaruahnak an ngeih cuahmah lio a si. Asinain tlamtling ngaingai in biaruahnak tlamtling an ngei kho rih lo tiah a si. Chawnh biaknak an tuahmi chungin hnatlaknak pakhat an tuah khawh nak in a hnu bik ah halnak an tuahmi a um veve. Avoikhatnak biaruahnak an ngeih ah ralhrang kawlralkap nih mino pasarih an thlah hna.

Pasalttha Mindat CDF zong nih Mindat khua pawngah an hrenmi ralhrang kawlralkap minung sawmthum hna cu kal umnak lam an on piak ve hna. Tutiang dirhmun ah pasalttha Mindat mino paruk hna cu ralhrang kawlralkap kut ah an um rih ti a si. Hi konghe pehtlaiin biaruahnak an ngeih cuahmah lio asi tiah thawngthanhnak an tuah.

Biaruahnak an ngeih mi ahcun ralhrang kawlralkap hna nih Mindat khuachung ah siseh a pawngkam ah mipi nih runvennak an tuahmi sakhan hrawh i, mipi cu daite in um dingin halnak an tuah. Pasalttha Mindat CDF lei nih halnak an tuah ve rih mi cu a tu atang rihmi mino paruk thlahpiak dingin siseh, mindat khuachung ah ralkap pawl meithal he vah lo ding.

Cun Lai meithal pawl lak dingin innkip ah luh lo ding tiah halnak pathum an tuah ve hna. Atu ahnu bik halnak konghe pehtlaiin biaruahnak tu cu atutiang ah biachahnak or remnak an tuah kho rih lo. Tutan ah an i chawnh ruahnak hi hmaitonh in siloin phone hmangin biaruahnak an ngeih hi a si. Atu zong CDF mindat cu khuachung ah siseh khualeng ah sakhan an tuahmi ah timh ciatein an um peng ko rih ti a si.

Be the first to comment

Leave a Reply

Your email address will not be published.


*