A THLUAK TTHA BAK, MIKE PENCE NIH TRUMP ADIRPI BAK KO

Vice President Mike Pence nih Donald Trump hnu achit nemmam lo. Fiangtein langhter asi cang. Mike Pence nih atimi cu phunglam ning tein rian ka ttuan in, ka hruai ko lai tiah ati. Cucu atuah taktak ko, Vote buainak state paruk chungin electoral vote hna cu acohlan ko hna nain buaibai deuhnak in siseh Biden dirhmun athatnak ding, thimnak hman maw hmanlo timi kongah debate saupi atuahter hna ti asi.

Cuticun Alphabetical order in Arizona thimnak result Republican hna nih an cohlan lonak bia an chuahpi mi cu senate le House of representative hna nih suimilam pahnih chung biaelnak an tuah lai.State pakhat ah suimilam pahnih chung lengmang debate an tuah lai ti asi. Asinain sumilam pakhat hrawng an i ruah lio ah Trump supporter minung thong tampi hna cu lengah akhat in an khat dih caah buainak achuak sual lai tiah caan karlak an ngol chung.

Hi buainak ruangah a zam hmasa bik mi hi Nancy Pelosi asi tiah an langhter. Hi buainak konghe pehtlaiin Donald Trump cu Joe Biden nih nawlnak atuah. Biden nih atimi cu Donald Trump mipi vialte hna hi deihter ko hna tiah nawlnak atuah. Hi buainak kong siseh, Joe Biden nawlnak tuah bantukin Trump nih atimi cu hi thil hi adik lomi thimnak asi ruangah mipi an thinhun hi asi tiah ati pin ah mipi zong lawi dingin nawlnak atuah ve hna.

Relchih:US ram tuanbia ah a um bel lomi, Capitol innpi an luh hnawhmi cu, Pathian nih a thimmi, a hmanmi, le a umpi tiah nan ruah i thla nan campiakmi, Trump le a minung pawl nih an tuah ko khi. US mipi nih vote an pekmi an upat lo zong a si pinah US democracy uknak zong zeiah an rel lo a si i a mui an chiatter zong a si fawn. Bawi Zisuh le a zultu hna, le profet hna nih cun mah bantuk tuah ding in mi an forhfial bel hna lo i an cawnpiak fawn hna lo, anmah pumpak zong in an tuah bel lo.

Bawi Zisuh cu amah vailam ah a tahtu hna hmanh kha an sualnak a ngaihthiam hna. “Jesuh nih aa thawh i, ‘Ka Pa, ngaithiam hna. An tuahmi hi zei a si ti awk an hngal lo,’ tiah a ti” (Luka 23:34). Bawi Zisuh, a zummi le a zultu hna nih cun buainak le that lonak tuah cu tha kan pe bel lo. Kan hrial zungzal. Midang zong tuah ding in kan forh bel hna lo. Bawi Zisuh le a zultu hna, le profet hna nih din lonak le sualnak cu mah bantuk phun buainak (violence, insurrection) hmang in an do bel lo.

Atu chun i buainak a tuahtu pawl khi Khrihfa biaknak ah a biatak lomi lawngte an si ko lai. Khrihfa mi nih cun remnak, daihnak, le dinnak hna hi kan dirpi pengmi an si/kan ttanhmi an si. Sualnak le din lonak zong buainak le thahrum hmang in doh kan i zuam bel lo. Atu chun i buainak le thil zohchia a tuahtu pawl khi, Bawi Zisuh cu vailam ah tah ko uh tiah a aumi pawl he an i lo bak/an i khat bak.

Trump, a duhfaknak le a hakkauhnak ruangah mah tiang a chuak ko khi. Khuaruahhar ngai a simi cu, Trump a ttanhtu pawl nih a cahrang ah thla fak deuh in nan campiak deuhdeuh, thil ttha lo le sualnak tam deuhdeuh a tuah ve. A poi ngai ko. Mah hna thil tuahmi le timhtuahnak nih khin thimnak a phichuak cu zei hmanh a thlengter kho hlei lai lo. Van Tum

Be the first to comment

Leave a Reply

Your email address will not be published.


*