A Tanh Mi Party Ruangah Tar Pa Pakhat Cu Fak Tuk In Velh A Tong E

Laimi or Chinmi kan cawlcang kan luantuk cang, Hibantuk miphun kan si ballo. Vawlei cung ramthawng kan timi US nawl maw kan i cawn hna, US nawl a cawng dingmi ahcun a zeizong tein kan i tlak hrimhrim rih lo. Tampi chim ding a um, a sinain tutan ah kan tonmi kong hi cu kan luan taktak timi hi fiang tein theih le hngalh khawh asi

.Zeibantuk party chungtel kan si zongah siseh zeibantuk party kan ttanh zongah hi tluk tiangtiang cun Laimi or Chinmi hi kan um ding asi lo. Zei caah tiah cun Laimi kan Biaknak he pehtlaiin hi bantuk lungput a ngeimi kan si ballo. Party ttanh ruang te hna i, zei sualnak angei lomi cungah kut thlak hna kan hmanmi hi cu a poi taktak khi a si.

Minung hi pumpak cio in chimnak nawl kan ngeih pin ah mah le dirkamh hoih in a ummi kan si, cu thil kongah cun nang na palh kei ka palh timi i el ngam ding kan si lo. Ka dirkamh mi hi atthatuk tiah kan ruah cuahmah lio ah midang mit hmuh ahcun a rak hman lomi thil asi i, midang an palh kan timi zong kha an mah caah cun atthatuk mi thil arak si timi hi kan i fiang ahau.

Relchap Lung Thli Tum tial mi,MP ka tling rih lo, nain Mara ram caah motor lampi le hlei a herh tuk tiah Facebook te hmang in kan hnu zarh ah biatak tein ka aupiā€”VP Vanthio, Hluttaw Speaker le vuanci tiang ca ka kuat hna.Tuhi zarh hnih lawng a si rih, zahan ah Mara ram lampi le hlei caah cozah phaisa ting thonghra deng a tla ko. Lawmh a um tuk. Mah hi keimah thil ti khawhnak a si lo, cozah nih a tuan hnga ding tlai deuh tu ah a rak tuanmi a si ko. Kei cu warning a petu menmen ka si.Mah a cung bang khin a rian tuan mi cu a lang ko hih.

 

Be the first to comment

Leave a Reply

Your email address will not be published.


*