A POITUK, TUZAN ZONG HAKHA BOMB A PUAK TTHAN EE

Breaking News: Hakha ah bomb a puak tthan hoi. Chinram khualipi Hakha khuapi chungah bomb a puak tthan. Tuzan suimilam pariat renglo deuh ah Hakha khualipi ah bomb a puak tthan tiah khuami hna nih an chim. Hi bomb puahnak ruangah a nunnak a liammi le hliamhma a tuarmi an um le um lo theih asi rih lo. Hakha hi naihrawng ah zanchiar ti awk in bomb a puak.

March 30-31 Ah Hakha, Thantlang Le Falam Mei A Mit Lai Nain Hakha Khuapi  Chung Mei A Mit Dih Lai Lo - THE CHINLAND POST

Salai Lungthlitum Cabia: Salai Ngun San Aung,Tutan dothlennak ah Laimi nih kan zohthla bikmi Salai Ngun San Aung nih atu lio ngol thei loin Pu Zobawi a thangchiat lengmangmi hmuh tikah lung a tha lo, kan ral taktak kan philh sual maw ti awk in a um. Pu Zobawi zong hi amah ti khawh tawk tein kum 20 leng ralkap cozah a rak doh ve i Chinram NLD hruaitu tiang a phanmi a si. Ralkap nih tutan tlaih in caan sau ngai hrem hmasami zong ah ai tel ve.

Atu belte a kum upa ve cang caah dai tein a um khi a si. Amah tein a um ko mi minung pakhat kha CDF hruaitu pakhat nih khiti a thangchiat lengmang tikah a ngaihchiami an tampi kho. CDF ralkap lila ah siseh, CDF caah biatak tein fund a kawltu lak zong ah Pu Zobawi a tefa an tampi timi philh lo a tha. Zobawi khi CDF nan ral a si bak lo, amah doh caan a si bak lo tiah ka ruah. Nan ral aho dah asi timi philh hram hlah u.

Pu Zobawi hi kum no tein businessman a cang, atu inn asakmi khi amah innhmun a si. Hakha innman a fah biknak hmun ah keimah ka chuah hlan ah inn a rak ngei cang. A tthing tuk cang caah atu a thar in a sak than khi a si. Hluttaw rian a tuan pah in tlorthing, grape dum, mansang thing cinnak dum tibantuk ekah tam taktak a tuah chih. Bungzung pawng ah kung 10,000 leng a cin.

Kungkhat ah tingkhat man a si i kum 4 hnu zuar ahcun ting 10,000 leng ka ngah lai tiah media interview ah a rak chim bal. Zephai zong ah tlorthing tam taktak a cin rih. Culawng hlah, US le Norway ah a fale an um. Hakha ah inn sak cu Laimi tampi nih tuah khawh ciomi khi a si ko. Zobawi a sakmi inn khi sui-inn asi hraw lo. Salai Ngun San Aung, ram caah nai pumpekmi cung ah kan in upat. Kan ral taktak na doh caah kan i lawm. Nain, kan miphun caah tihnung a si lem lomi minung pakhat kha 2015 in tutiang ngol thei loin na dohmi cu kan ngol piak ko cang tiah kan nawl. Credit: Salai Lungthlitum.

Be the first to comment

Leave a Reply

Your email address will not be published.


*