A POITUK PU THAT KUNG LE SAYA VAN NI CU AN TLEIH TTHAN HNA

Apoi ngaingai, minung tthenkhat caah cun zulhphung tuahmi zong nih a tlai hna lo nain, tthenkhat caah cun zulhphung hi fektthup in an kalpi ko. Zeitik ahdah hibantuk thleidennak hi kanram Chinram ah hin a donghte hnga muu. Zawtnak konghe pehtlaiin minung zeizat ko dah an tleih cang hna. Minung zeizat ko dah zulhphung an buar ko nain an ti duh hna lo timi zong hi ruah ngaingai ahau cang.

Hakha Cawbuk sang ah home crusade atuah le inn ngeitu hna cu nawlngeitu hna nih an tleih hna tiah theih asi. Tutan ah Home Crusade an tuahnak hmun hi Pu That Kung te inn ah a si i, cawnpiaktu hi Saya Van Ni asi. Home Crusade an tuah Ni caan hi September ni 19 in September ni 21, nithum chungte lawng a si.

Zawtnak ruangah cozah nawlngeitu hna nih mibuu in i pumh lo ding le Pathian thangthatnak zong tuah lo dingin rak khammi asi. Home Crusade an tuah ruangah atubantuk in an tleih hna hi asi. Crusade an tuahnak inn ngeitu le cawnpiaktu cu aliamcia ni 21 zan suimilam 10 ah Hakha palek nih an tleih hna tiah an langhter.

Cun September ni 22 ah Crusade an tuahnak inn ngeitu Pu That Kung cu palek nih an thlah tthan. Sihmanhsehlaw September ni 25 ah Pu That Kung le Saya Van Ni cu an tleih tthan hna i, a ralaimi hmaithla october ni 2 ah biacaih zung ah chuahpi an si lai tiah theih asi. Chirhchan. Chin News Journal

Relchih duhmi caah:Pu No Than Kap biachim le holhrel cu ngeih lengmang tikah uar a rak umtuk hringhran. Abik in CNLD kongkau a chimmi, CNLD an i hmuitinh mi hrimhrim uar an um tuk. Cun tutan ah Pu No Than Kap nih Chief Minister Salai Lian Luai kongah a chimmi ko hi apasal taktak, a theicang mi zong tampi kan um ko lai nain a thei rih lomi caah siaharhnak he kan vun langhter tthan.

Pu No Than Kap cu tutan thimnak zuamcawhnak ah hin Chief Minister Salai Lian Luai hi pakhat tel na zenhnak a um maw tiah an hal. Pu No Than Kap nih lehnak atuahmi cu uar aum bak. Atimi cu Chief Minister Salai Lian Luai hi pakhat taktak hmanh ka zenhnak a um lo. Zeicaah tiah Chief Minister Salai Lian Luai cu Kawlram party asi pin ah kumpi kumli le cheu a rianttuan ning mipi nih an i fiangtuk.

Cucaah Chief Minister Salai Lian Luai hi ka zenh nemmam lo, tiah Pu No Than Kap nih a chim. Cun Chief Minister Salai Lian Luai nih campaign atuahnak ah CNLD party cu Sehtan party an si tiah a chim ti asi. Hi bia a chimmi cungah zeitindah na ruahnak asi, Chim ding na ngei maw tiah Pu No Than Kap cu halnak an tuah tthan.

Hi konghe pehtlaiin Pu No Than Kap nih a chimmi cu Miphun party CNLD cu mipi kha kan hrambunhnak asi, Mipi hrambunh in dirhmi asi. Kan lubik cu Pathian hi a si. Miphun party a simi CNLD sehtan party ati ahcun Chinmi vialte aa kan ti tinak khi asi ko, tiah ka hmuh tiin Pu No Than Kap nih a hmuhning alanghter.

Be the first to comment

Leave a Reply

Your email address will not be published.


*