A POITUK EE, NI 7 CHUNG TUTHLA KALAYMYO THILCANG CU NGEIH ACHIA KO

Apoituk hringhran ko ee, Kalaymyo ah Ni 7 chungah a nunnak a liammi hi minung 207 an si cang tiah theih a si. July ni khat in July ni 7 tuchun tiangah a nunnak aliammi hi minung 207 an si cang. Tuchun lawngah Kalaymyo ah a nunnak a liammi hi minung 29 an si tiah thawngthanhnak an tuah. Tuni a thimi chung ah Khrihfa Thlaanmual ah vuimi hna hi minung 14 an si hna.

July nikhat in tuni July ni sarih tiangah a nunnak a liammi an langhter mi hna cu hitihin a si. July nikhat ah a nunnak a liammi hna hi minung 26 an si i, July nihnih ah minung 24 an nunnak aliam. Cun July nithum ah a nunnak a liammi hi minung 33 an si. July nili ah a nunnak aliammi hna hi minung 27 an si hna.

July ninga ah a nunnak aliammi hi minung 27 an si i, July niruk nizan ah a nunnak aliammi hi minung 42 an si. Tuchun July ni sarih ah a nunnak aliammi hi minung 29 an si tthan. July nikhat in tuni July ni 7 tiang Ni 7 chungah a nunnak aliammi hi minung 207 an si cang tiah an langhter. Zawtnak chungin kan him khawhnak dingah a nung kan Biak Pathian Sin ah thlaza cam cio hna usih.

May be an image of standing and outdoors

Relcio Uh. Catialtu Nu Mang Tette khannak: Zumh nak in tuah ve law Bawipa nih an damter lai.A liam cia mi December thla chungah khan covid in ka rak zaw ve I Sii zong ka ding kho lo, ka thinlung ah a um mi cu kahrom fah nak le ka tang, ka cuap ah Bawipa Jesuh thisen in i thuh i tuam ti khi ka thinlung nun ah a langtuk caah Zing ah Voi 70, zan lei ah Voi 70 in, ka hrom fahnak ah kaa tongh.

Ka cuap le kattang zong ka tongh i Bawipa Jesuh thisen in kaa thuh kaa tuam tiin zumh nak in ka chim, ka phuan,i ka tuah hna, zarh khat ka tuah hnu ah cun Bawipa nih dam nak lei panh a ka hruai. Culio ah a kih ruang ah ka keng thahri a fak than,ka thahri fah cu a zual tuk caah, Bawipa Jesuh thisen in ka thuh ka tuam tiin zarh khat chung ka ti khawh tawk in zumh nak in ka tuah than i Bawipa nih damnak tlamtling cu a ka pek Bawipa min cu thangthat si ko seh.

Cun nikum ah khan Australia lei in kan nau nu nih phone a ka chonh I ka dam lo ka lungre a thei tuk a ka ti, ka hmai hrap khat lei hi a zeng I ka tongh zong ah kaa thei lo a rak ka ti,thla ka cam piak a ka ti i thla cu ka cam piak. Cun kei nih rian kan fial lai i na tuah kho lai maw?ka ti, ka tuah khawh ko lai a ka ti ve, a si ah cun na hmai dam lo nak zawn te ah na kut in I tongh law, Bawipa Jesuh thisen in kaa thuh kaa tuam tiin Zing lei ah voi 70, cun zan lei zong ah na tuah lai ka ti i zarh 2 a tuah hnu ah a hmai a zeng mi cu Bawipa nih a dam ter than.

A tu ka ram covid zawt nak a cang mi thil kong ah lungre thei nak in kan khat mah ruang ah hi ca hi kan rak share ta ve mi a si, ule nau hna zumh nak in tuah ve hrim2 law Bawipa nih an dam ter lai, voi 70 tiang na tuah khawh ah cun a tha, na tuah khawh lo hmanh ah na tuah khawh tawk tal cu rak tuah ve hrimhrim ko.

A zawt nak a zual deuh mi cu Chungkhar le zong nih rak tuah piak hna law a zaw mi kha zumh nak in Bawipa Jesuh thisen in rak thuh rak tuam hna, zumh nak in tuah lo ah cun tlam a tling lo kho mi a si, zumh nak tu in Bawipa Jesuh thiseh cu hmang law an dam ter lai. Kan Bawipa Jesuh khrih thisen cu kan sual nak vial te ngai thiam tu thisen a thawng tuk mi le a lian ngan mi kan thlarau taksa dam nak a si. Amen

Note: Hi Cabia hi Nu Mang nih, a pumpak ton mi, Covid zawtnak in a tluk lio ah Jesuh min in damnak a hmuhnak kong a tial mi a si. Tulio Laitlang Covid pulrai hi Bawipa bochannak in kan tei ko lai timi thazaang peknak a tuah mi asi. Na hawi le 10 rak share hna, Jeush thisen in Covid rai tei i zuam usih.

Be the first to comment

Leave a Reply

Your email address will not be published.


*