A Poi Ko : CNLD Chungtel Salai Duh Hu Thang An Tlaih Cang.

Tulio kan kawlram thawngpaang hi cu a poi ko, Ralkap le Palik nih an tlaih thluahmah cang hna .Salai Duh Hu Thang cu April 9, 2021 ah Thantlang in Hakha lei a kalpah Hakha khualuh lai Ralkap le palek nih hngah mi check-gate ah thaih a tong i ralkap sakhan ah kal pi in hrem a tong tiah thawng kan theih.

“Salai Duh Hu Thang cu an tlaih i a hrem pah in bia an hal ti thawng kan theih, an tlaihnak caan zong a sau i an thlah bal rih lo caah kan lungre a thei i a ngandamnak kongkau zongah thinphang a si. Tlangcung Parties lutlai (CEC) hna lak ah tlaih a tongmi cu amah pakhat lawng hi a si.Salai Duh Hu Thang telh in Pengkulh dang Kan party lutlai cheukhat zong an i tel. Salai Duh Hu Thang telh in an tlaih mi Chinmi zapi aran nak in himbawm tein kan thlah piak hna sehlaw kan duh ko.” tiah CNLD Party lutlai a si ve mi pakhat nih a chim.

Salai Duh Hu Thang cu Kum 31 mino a si i International University level in Master Degree pahnih a la mi le Chimmi nuhrin covo kong aupi nak phu zong ah biatak chuah in a rak cawlcang mi Chin mino pakhat a si. Source – Chin World The Chinland Post

Thawnnak hi pumrua ah a rak si lo.Tulio mipi nih uar taktakmi hna cu Mandalay mino hruaitu Teza San le Monywe mino hruaitu Wai Mo Naing an si. Hi hna pahnih hi ralkap zong nih an tih bak hna. An pumrua aa dawh in a tha lem lo. Nain an rak thawng tuk.

Nizan ah Monywe mino an hruaitu Wai Mo Naing cu reporttu an um ruang ah motor cycle in sandah an piah lio ah misual palik le ralkap lei nih motor in an pah i an tlaih.Monywe mipi nih zahan zan ah meibul van in Wai Mon Naing thlah uh zeihmanh harnak pe hlah uh. Nungdam te nan thlah lo cun nan tuar lai tiah an ti ve.

Wai Mo Naing an tlaih caah ralkap lei nih Monywe cu kan tei cang ti phun in an ruah.
A ruang cu an hruaitu lubik a si. Si nain mipi an thachia hlei lo. An raktha chin. Hi kong ah Mandalay hruaitu Dr Teza San nih cun ralkap nih thei dih uh Wai Mo Naing nan tlaih. Nain amah bantuk mino tampi a rauh hlan ah an chuak than lai.

Zeicahtiah hi ralkap dohnak hi Teza San le Wai Mo Naing ta a si lo kanmah thawkmi zong a si lo tiah a chim ve.Chim duh mi cu Mandalay le Monwye mino hna an thawnnak khi an pumrua that ruang le milu an tam caah a rak si lo. An thinlung tu ah a rak si deuh.

Ralkap nih an mipum cu an tlaih khawh hna an thah khawh hna nain an zumhnak le ralthatnak thinlung kha a tlau kho lomi a si. Cu zumhnak le ralthatnak nih mipi nun ah hmunhma a lak cang.Cucaah kan thawnnak hi milu tam le tlawm le pumrua that le der ah si hlah seh thinlung tu ah siseh. Nihin KIA an thawnnak khi an hriamnam that ca si lem lo an thinlung a rak si. Kawl ralkap nih an tei khawh hna lo nak a ruang tak cu an thinlung a si deuh.

Credit-Tluang Ceu Thang

Be the first to comment

Leave a Reply

Your email address will not be published.


*