A POI KHO TAKTAK SI NLD A TTANH RUANGAH LAIMI KAN PU FAKTUK IN AN VELH

Laimi or Chinmi kan cawlcang kan luantuk cang, Hibantuk miphun kan si ballo. Vawlei cung ramthawng kan timi US nawl maw kan i cawn hna, US nawl a cawng dingmi ahcun a zeizong tein kan i tlak hrimhrim rih lo. Tampi chim ding a um, a sinain tutan ah kan tonmi kong hi cu kan luan taktak timi hi fiang tein theih le hngalh khawh asi.

Zeibantuk party chungtel kan si zongah siseh zeibantuk party kan ttanh zongah hi tluk tiangtiang cun Laimi or Chinmi hi kan um ding asi lo. Zei caah tiah cun Laimi kan Biaknak he pehtlaiin hi bantuk lungput a ngeimi kan si ballo. Party ttanh ruang te hna i, zei sualnak angei lomi cungah kut thlak hna kan hmanmi hi cu a poi taktak khi a si.

Minung hi pumpak cio in chimnak nawl kan ngeih pin ah mah le dirkamh hoih in a ummi kan si, cu thil kongah cun nang na palh kei ka palh timi i el ngam ding kan si lo. Ka dirkamh mi hi atthatuk tiah kan ruah cuahmah lio ah midang mit hmuh ahcun a rak hman lomi thil asi i, midang an palh kan timi zong kha an mah caah cun atthatuk mi thil arak si timi hi kan i fiang ahau.

Tutan ah a poituk mi thil cu kan ram chung ah a vung cang ruangmang cang ai. Hi konghi an chimning ahcun a hman ngaingai ti a si. Sihmanhsehlaw hitluk dirhmun tiang kan phak hi cu ngeihchia ngaingai khi a si ko. Tutan ah a cang tiah Laimi chungah a hung laar ngaingai mi thil hi vun zoh cio ulaw zeitindah nan lungput asi cio hnga mu, Hi konghe pehtlaiin Social media ah hitihin an thlah.

Kan Chinram chung Tidim khuate ah,Tlangval zuri pathum hna nih,tarpa te a mah tein Lam a kal komi cu NLD na si an ti i,a Lu ah lungtum in an cumh i an zaamtaak tiah a hmutu hngakchia hna nih an chim.Cuca ahcun Khuami vialte hna nih,hihi maw Chin miphun CNLD țanh cu asi an ti i,an lung a dongh caah CNLD cu an chuahtaak dih.U le Nau hna Chin miphun țanh ruang i,hi ti lawmmam thil tuah hi a dik nan ti cio ve hnga maw? tiah Kawitling Hnialum nih attial.

Relchih aduhmi caah thawngpang dang: Mipi an lau ngai hna. California meikang konghe pehtlaiin Donald Trump biachim cu an laucio ko. California a tlawnnak ah Trump nih atimi hna cu khuasik a chuak colh ko lai tiah a chim. Aliamcia August thla in khan California le Oregon cun Washinton state hna ah meikaang a chuak i, atuhi 2 million hectares a kang cang ti asi.

Cun hi meikangh ruangah minung 36 zong an nunnak aliam cang.US president Donald Trump nih cun Climate change hi a lunghrinh. Ram akanghnak aruang cu ram zohkhanhtu daithlan ruangah a si tiah a chim. Cun US West Coast a tlawn nak zongah Donald Trump nih California official hna sin ah meikang a chuahnak aruang bik cu Forest management that lo ruangah asi tiah a chim tthan.

Hi konghe pehtlaiin official pakhat nih atimi cu khuacaan thlen ruang konghe pehtlaiin thiamsang hna chimmi hi zum hram law hnawl lo dingin nawlnak atuah nain Trump nih aleh mi cu Khuasik ara colh lai, rak zoh peng ko uh, Science nih a theih taktak hi ka thei lo tiah US President Donald Trump Science lei thiamnak a zumh lonak he a chim.

Hi konghe pehtlaiin Donald Trump cu reporter hna nih biahalnak an tuah. California ramkaang hi Climate change ruangah a si maw tiah an hal i, Trump nih aleh mi hna cu asi lo Mangement he aa pehtlaimi thil deuh asi in ka theih lehnak atuah tthan hna. Cun Australia le Amazon rainforest kanghnak zong hi Climate change ruangah asi an tinain ramdang hna nih cun ram meikaang an tuar ve lo tiah a chim chih.Khuacaan thlen, Climate change ruangah nan ti a si ahcun India ram nih an kalpi mi phung an thlen a hau lai i, Tuluk zong nih an thlen ahau lai.

Culawng hlah Russia zong nih an thlen ahau rih lai tiah Trump nih a chim chih. Hi konghe pehtlaiin nizan cawnnikhat ni ahkhan California Governor Gavin Newsom nih Trump te he meeting an tuahnak atanglei bangin a chim.Forest Mangement kan kalpi ning hi attha deuh lo. Asinain California ram zatceo nak tam hi state nawlngeihnak siloin federal tangka a ummi asi tiah a chim. Hi ramkang nih hin Climate change kongkau ah i elnak cu adihter ko. A lum i, a lum chin lengmang, a rocar i, a rocar chin lengmang, Science nih a chimmi cu ataktak in a rak lang cang i Climate change timi hi a taktak bak asi i, a fak deuh chin tiah a chim.

Meikaang kan dohning hi atlamtling taktak, West Coast ah Climate Change aa thok hmasatu asi, Kan zapi caah i thanghnak dingmi asi i, Climate change tlawmter dingin kan si khawhnak vialte kan hman a hau tiah Oregon Governor Kate Brown nih a chim. Trump nih Climate Change kongah a ruahning hi cu a ttha lo ngaingai tiah Washington Governor Jay Inslee nih a ti ve.

Aliamcia zarh nirukni zongah President Trump nih meikangh atuarmi West Coast cungah alungthatlonak arak chim. Asinain hi meikang cu Forest management he aa pehtlaimi asi tiah a rak chim tthan. Hi tluk zual hi an tong bal rih lo, hi bia hi thatein thei usih forest management bak asi tiah a chim. Climate change timi hi ttawnchommi asi i, aum taktak lomi asi tiah Trump nih arak chim bal cang.

Be the first to comment

Leave a Reply

Your email address will not be published.


*