A HNU BIK DONALD TRUMP THAWNGPANG, TRUMP DIRHMUN

US president Donald Trump dirhmun cu a fiang ngaingai cang. Trump cu biatak tein thiamhlei cungcuang Sibawi hna nih an zohkhanh cuahmah lio asi. Aumnak Sizung Walter Reed Hospital ah specialist hna le Johns Hopkins University Hospital ah thiamsang cungcuang hna nih an zohkhanh pin ah president Physician/Dr biapi Navy Colonel Dr Sea P. Conley nih a dirhmun zeidah alawh timi atu le tu a zoh peng ti a si.

Donald Trump cu Antibody Drug, Regeneron Pharmaceutical Inc., an tuahmi in an chunh i mah sii hi IV in an pek. Antidodies hna hi taksa protein a ummi zawtnak hrik a va dohtu, immune syrem ekiminate tur asi tiah an chim i, zarhkhat hnu ah zeikhan dah asi timi a rianttuanning a fiang lai. Trump cu tlawmpal aba pah tilo ahcun lungrethei ding aum lo tiah Dr Sean Conley nih thanhnak atuah.

Hi konghe pehtlaiin White Press Secy Kaylight McEnnany nih White House Reporter hna sin ah President Trump cu a dirhmun attha ko, a dirhmun zong atthatuk, rian zong chunnitlak in a ttuan kho tiah a chim. Trump cu Oxygen pekchap zong ahau lo biatak tein thiamsang hna nih Remdesivir sii hmangin zohkhanh cuahmah asi tiah Dr SEAN Conley nih a chim chih.

US President Donald Trump hi zeitik indah zawtnak hi angei timi theih asi lo. Asinain aliamcia Rose Garden ah Supreme Court Justice ding atimhtuah lio mipi he hmunkhat an umnak kha asi lai tiah an zumh. Tthenkhat nih cun kha lio ahkhan Mask zong an i vuah lo tiah an chim. Kha thawk khan Senator pahnih le Kellyani Conway cun Hope Hicks hi zawtnak an ngei tiah an chim.

Cun president Trump cu Sii dang Zinc, Vitamin D, Famotidine le Melatomin siseh adangdang an pek. Hi sii pawl hi zawtnak covid caah attha taktak maw timi an thei lo nain Trump apumsa tthawnter hi zawtnak tei kho dingin tuah a hau tiah an chim. Asinain Trump nih attha tuk a timi cu Hydrochloroquine si tu cu an pe lo tiah theih a si. Trump cu tlawmpal akhuasik i, tlawmpalte aba i asi ko tiah a chim.

President Trump cu kum 74 asi cang i, rist cu asang pah ko. Sizung ah covid zawtnak in zohkhanh le thlop bul mi hi pa deuh an si hna. Sihmanhsehlaw atthatnak cu kuak a zu ballo i, Zu zong a ding fawn lo caah ttihnung tuk cu asi lai lo tiah Oregon Health and Science University ah Emergency Physician asimi Dr Prof. Esther Choo nih Al Jazeera thawngzamhnak ah a chim.

Hi lio caan Joe Biden zong nih achimmi cu President Trump caah thla kan campiak i adam colh ko lai tiah a ti ve. Hihi pumpak thil asi lo, American mipi vialte thil a si. Covid nih a kan tuam dihmi thei hna usilaw hi zawtnak khamdohnak dingah biatak tein kan ttuan ahau.. Hi zawtnak cu amah tein akal dingmi phun a si lo, Cucaah biatak tein kan doh ding asi tiah a chim.

Trump zawtnak angei timi kong theih ah vawlei cung hruaitu vialte zong an lung attha lo ngaingai hna. North Korea hruaitu Pu Kim siseh Tuluk President le Russia president le India PM le adangdang hna zonh nih damnak tlamtling hmu hram seh tiah an ti cio. Sihmanhsehlaw hi lio caan Chinese Social Media ngan bik Weibo le Wechat ahcun Trump cu covid anihsawh tukmi pei asi kha tiah capo awsaw ah an seih len ve.

Culawng siloin Global Times ah editor asimi Hu Xijin nih a timi cu President Trump le First Lady hi zawtnak chungin damnak tlamtling hmu colh hna seh ti ka duh ngaingai. Cuve rualrual in Coronavirus zawtnak hi a sawhsawh a si lo zia hi fiang tein thei cang hna sehlaw tiah a chim.

Be the first to comment

Leave a Reply

Your email address will not be published.


*