A HMANTUK, LAIMI VIAL TE NIH CNF/A KONGAH KAN RUAHNAK THLEN AHAU

Laimi nih CNF/A kan pa le kan Ralkap hna cungah kan ruahnak kan thlen hrim a hau. CNF/CNA kan pa le Ralkap cungah laimi nih kan ruahnak kan thleng caan a cu cang, kanmah mino lungthin put ningin kan putter hna cun buainak hi a linsa tuk lai. Thil pakhatkhat a hung um tikah lungthin rang tukin thil tuah hnaseh ti kan duh tuk tawnmi hna hi a dikmi silo.

Image result for cnf conference victoria camp

Zeithil hmanh hi kan theih khawh dihlo caah anmah le lam te in kal a hau, lamlo kal cu tlaunak si. CNF kan pa le cna ralkap zong tutan kawlram pumpi buainakah an i thlaklo tiah ruat in mawh kan phurh colhmi hna hi a diklo, zei khua dah an ruah an cawlcangh rihlo timi hlathlailo i tong ti hnawh i hnawh le tuahter timh hi a dikmi lam silo.

Image result for cnf conference victoria camp

Ralkap dang hna cu an dirpi cang hna an nih hi mipi lei ah an dirlo tiah lungthin rang tukin an tuan rih lomi ah kan zai kan phun hihi kan ti awk silo. An hmurka zong theihlo i suslphawt hi a phung silo mipi caah a herh ningin cawlcangh ai zuammi an si, an i tinhmi a um ve ko lai cucu mipi caah a tha bik tiah an ruahmi si ko lai. Mipi kan caah thiltha,thilthalo a chuak sual lai maw tiah khurkhua ruatlo in mino lungthin keng in cawlcazng hnasehlaw kan soiselnak ah kan kaa tlek dih hoi lai.

Image result for cnf conference victoria camp

Khua tuak deuh rih u sih, kan soiselnak hna hi ngol in thazaang tu pek hi mipi nih kan i zuam awk si, rianrang tukin thil tuah hi chuah sual fawi ti thei bu tein kan si khawh ning cio in kan Lai ralkap CNA le kan pa le CNF hi bawmchan ko hna u sih.Tampi tial ka duh nain siseh ti ka duh bikmi cu ruatsatsai loin soisel le thangchiat hi um hlah seh ti si ko caah cafang palhmi um cun ka ruat thiam u. Credit: Stonny Bawi.

Be the first to comment

Leave a Reply

Your email address will not be published.


*