A FIANG TUK CANG HIH CNLD AH VOTE THLAH KO HNA USIH

CNLD Party Ah Mee Tlak A Herhnak. Union Peace Dialogue Joint Committee (UPDJC) timi cu Kawlram pumpi zeitindah daihnak kan ser lai, khua kan khanti hna lai tiah sermi bu pakhat a si. Tlangcungmi kan kongkau zong ceihnak, biachimnak hmun a si. Cu UPDJC ahcun cozah tlai liomi, ralkap le teinak hmumi party kip le hriamtlai phu Nationwide Ceasefire Agreement (NCA) pawl ton biaruahnak hmun a si.

UPDJC ton biaruahnak ahcun CNA/F an i tel nain Chin party cu an i tel kho lo. Chin ai-awitu party an i tel lo tik ah hma a kal kho ti lo, CNA/F nih kan Chinmi kongkau an chim tikah Chin party an i tel lo tikah ralkap hrim nih zei ah an rel hna lo, an nihsawh tuk hna. Dr. Lian Hmung Sakhong nih a chimmi cu” UPDJC ah Chin party an tel lo tikah CNA/F dirpitu kan ngei lo, kan hawi tlangcung mi cu ralkap he miphun party he an tangti ka hngar tuk hna.

Keimah tluk in mah lio ahcun Chin party a hlammi an um lai lo, Chinchin Pekthang pakhatte ka hmuh ahcun ka lungfahnak a dam deuh” tiah a chim chap. Tlangcungmi cheukhat cu an ralkap nih bia an chim ahcun an miphun party nih an vun bawmh colh hna i an biachim zong hmual a ngei tuk, Ralkap zong nih an upat hna.

Ziah Chin NLD kan MP pawl an um ko tung, Chin party um an hau lo nan ti men lai. Kan Chin NLD kan MP pawl nih Chinmi kan konglam ah a kan ai-awh kho loh. Zeiruang ah a kan ai-awh khawh lonak cu – UPDJC ahhin Chin NLD MP nih Chinmi caah an chim dingmi vialte hi cunglei nawlngeitu nih an check piak hmasa hna. An duh lonak ai tel ahcun an hlonhpiak hna, mah zawn cu na chim lai lo tiah an ti hna.

Chim hlah timi an chim ahcun an rian phuah ding a si caah kan Chin ai-awi in bia an chim khawh lonak a si. Chin NLD MP pawl cu cunglei nih an duh paoh in an chak merhmi an si ti khawh a si. CNLD nih teinak a hmuh ahcun cunglei dawnkhantu an um ti lo, kan miphun kongkau ah zalongte in biachimnak nawl an ngei cang lai. 2008 phunghrampi remh lo cun tuah khawh a si lo tiah nan ti men hoi lai. Remh loin ai tuah khomi kan Chinmi caah a tampi ko.

Cucu Chin miphun ni ah zungkhar piak, kan Cahloh hi Chin hloh tein cawn khawhnak (Mizo ram bantukin) le kan biakinn phung ning tein ngeihnak le laisen ngeih kawhnak hna hi tuah khawhmi an si. Cucu 2015 NLD policy manifesto zongah ai telmi si ko nain Chin NLD MP pawl nih an tuah lo.

Cucaah UPDJC ah Chinmi ai-awh in kan konglam kan chimpiak ve hna seh, CNA/F he i bawm in hmunkhat ah norti hi seh ti na duh ahcun CNLD ah mee pe ko hna usih, kan Chinmi party ah mee na pek ruang ah nai chir lai lo, miphungdang mee na pek belte cun nai chir te lai. Credit: Pu Tin Duh Thang

Be the first to comment

Leave a Reply

Your email address will not be published.


*