CNA/F LE RALKAP BIARUAHNAK AN NGEIH DIH BAKAH RALKAP SAKHAN AH AN LAN COLH.

Ralkap Le CNA/F Biaruahnak An Ngeih Dih Hnu Ah Ralkap Sakhan Ah An Lan

2021 March 10 Chin National Army/Front le ralkap Tlangpi khua ah ton biaruahnak an ngeih hnu ralkap cuCNF/A camp lei ah an lan tiah theih a si. Hi kong he pehtlai in Tlanglo khuami pakhat nih, “Nihin kan
khua Tlangpi ah biaruahnak an ngei hna. Ralkap lei nih nan camp ah len kan duh ko tiah Dr. Sui Khar
sin ah an hal nain Dr. Sui Khar nih a duh lo.

May be an image of one or more people, people standing and outdoors

Biaruahnak an ngeih dih hnu ah lenh hrimhrim kan duhko an ti than i an len. Atu hi ralkap cu camp in an rak kir lio a si. Amah Dr. Sui Khar le a hawile dang tu cu Hakha lei ah an lan ve. Thinphan awk cu a um lo,” tiah a chim.Nihin CNF/A le ralkap bia i ruahnak ah ralkap lei hi motor le motorcycle in minung 40 hrawng an si tiah kan theih. Bia an i ruahmi a si khawh chung in hlat le thawngthanh kan rak in zuam than hna lai.

RELCHAP-

Hakha mizapi lamzawhnak ah minung pakhat ralkap nih an velh i an tlaih:2021 March 10 Hakha mizapi a ni 32nak lamzawhnak ralkap le palek nih mizei a si ti hngalh lo mi pakhat an tlaih.
Atu an tlaih mi a hmutu pakhat nih, “Mizapi kan hmai ah an velh dih hnu ah an tlaih. An velhnak ah a lung zong a fim lo. A lungfim lo buin motor cung ah an chiah,” tiah a chim.

May be an image of road

Atu an tlaihnak hmun hi Hakha Myanmar Economic Bank hmai suimilaam 2:20PM tluk ah a si.
An tlaih lio ahhin lam a zawh mi mizapi zong a hmai ah an um nain, zeiti vun zuanhnawh awk a tha lo.
An tlaih le cangka in upa nih an fuh colh hna i, “Ralkap lei nih kan tlai lo,” tiah an kan leh tiin an chim.

Be the first to comment

Leave a Reply

Your email address will not be published.


*