261 REMH LO RUANGAH NLD DOHTU HNA SIN CAKUAT BY RO LIAN

261 remh lo ruang ah NLD dohtu hna sin cakuat (Phunghram 261 remh maw a biapi deuh Article6 (f) 8, 14, 17 (b)?). USDP le Ralkap nih Phunghram article 261 remh piak ding biatung an dirh mi cu anmah nawl ngeihnak lam kauhnak ding ca a si zia le Miphun Party zong nih hihi hlennak a si ti hmanh an hngalh lo mi cu kan miphun le ram caah tih nung a si. a tak tak le ngaingai ti ahcun phunghram article 261 remh hlan ah a tanglei article hna hi remh hma sa an herh ti hi kan hngalh awka si.

Thil pek poh hi cohlang hlah usih. Cohlan awk tlak mi thilpek a si maw ti hi tuak pah hna usih. a tanglei phunghram hna hi van zoh ta usih. Phunghram Article: 6 (f) Miphun Ramrian kong ah ralkap cu an i tel hrimhrima lai. Ramrian kong ah ralkap an i tel hi a poi lo nain Hluttaw thutden cung in ramrian tuan a herh lo. Hluttaw lengin ramrian tuan khawh a si ko. ziah hluttaw thutden cung in ralkap 25% nih ramrian an tuan. hriamnam he ramrian tuannak ah ramrian a thaignhlim kho bal lo i meithal aa put lo mi hna nih ramrian dik tein ramrian an tuah kho tawn lo.

Hi phunghram remh lo ahcun 261 thutden hna cu zei hmanh man a ngei lo. Hihi pei maw 261 hlan ah USDP le ralkap nih remh ding in biatung an dirh ding a si cu. Hi phunghram an remh lo ahcun an mah ralkap hrimhrim nih Chief Minister an tuan khawhnak lam tu a si deuh ti kha kan hngal hrim lo maw? Phunghram Article: 8 ‘ Rampi cu Ramkawmh in ser ding. Kan ram hi Pyidawnsu sysytem in Ralkap le USDP nih an dirpi. Hihi Federal uknak kong caih tik ah Hi phunghram hi an i dawnhter nak a si tawn.

Pyidawngsu in an chuak sual lai ti a akan phan nak cu hi phunghram article 8 ah hin a si. Pyidawngsu system in rampi fawnh an duh tik ah Pyidawngsu ralkap nih nawl an ngeihnak peng a si. Pyidawngsu chugntel state a sinak poh ah ralkap nawl ngeihnak kha chiah an duh. hi phugnhram hi Federal uknak kong caih tik ah dawntu pakaht a si. zei ruagn ahdah hi kong remh ding biatung vial duh lo 261 theng te remh an duh hnga.

Phunghram Article: 14 “ Hluttaw Palai , Ramkawmh Hluttaw palai, Ramkulh hluttaw palai hna ah Phunghram bantuk in Ralkap bawizik nih min a pek mi hna zat poh cu Hluttaw ah an I tel lai. Hluttaw Palai , Ramkawmh Hluttaw palai, Ramkulh hluttaw palai hna ah Ralkap bawizik nih min a pek mi ralkap han cu Hluttaw thutden ah an thu hrimhrim lai. Hihi ralkap nawl ngeihnak hrawh a si lonak ding an hriamnam tha bik cu a si.

Miphun le ram an dawt taktak ko ahcun hi thutden hi an chuah tak i kan ram mifim thiam hna tampi tu an kianh hna awk a si. zei ruang ah dah Hluttaw thutden 25% remh loin 261 vial remh ding in an chuah pi? hi ralkap 25% hluttaw in hrawh a si lo ahcun Chief Minsiter cu 100 zong i thim ko hmanh usih law ralkap nawl ngeihnak ruang ah rian an tuan kho lai lo. raljkap thutden hgnah piak, ralkap dum cawngh piak tu minister men an si ko lai.

Phunghram Article: 17 (b) Ramkawmh, Ramthen le Ramkulh, Ramkawmh hmunhma vialte le Mahte aa uk mi hna miphun chung dihlak i Pengkawmh vialre chung zong ah Humhimnak, Runvennak, ramri uknak vialte ah Ralkap bawi zik nih min a pek mi hna ralkap poh an i tel dih lai. Ral kap nawl ngeihnak cu Miphun kip sin ah an chiah. Hi phunghram 17 (b) ning cun Pengkawmh (Khayan) tiangin ralkap nawl ngeihnak an chiah. Pengkawmh (Khayan) tangah pengkulh (myo) vialte a um dih,pengkulh (Myo) tangkah, khua kawmh (ohsuh) le khuate uknak a um dih.

Hi vialte uknak ah ralkap an i tel dih. khoi hi vialte uknak ah ralkap an i tel dih ne ahcun ralkap uknak a tlau kan ti kho maw? USDP nih 2010 ah ralkap uknak a tlau an ti mi hi zei bantuk dah a si hnga? ralkap an dirkamh tuk hna ti a langhnak a si. A cunglei phunghram langhter mi hna hi 261 phunghram nakin an biapi deuh mi le Federal Democracy uknak caah a herh deuh mi an si.

Cucu ralakp le USDP nih an duh lo bu i 261 remh piak ding biatung an dirh mi hi nan ngai tla ko maw Miphun Party hna? Federal uknak a duh mi nih phunghram raldohnak ding ah doh ding Article pawl hi tha tein nan tuak pah lo maw? Hi 261 thutden duh ruang ah maw ralkap thil pek hi a pang that le pangchia a si zong tuak loin cohlan nan timh. Ralkap le USDP nih pek aa kan timh mi 261 hi a cunglei artilce an remh tung lo ahcun chugntliknak thutden a si kho tihi kan tuak hrim lo maw?

Na miphun le mipi na kan dawt taktak ko ahcun nan mah thutden hmuhnak men tuak lo in hi phugnhram remh hamsa ding tuhi ruah a herh lo maw? 261 remh ah hin Miphun Party caah thutden hmuhnak lam a si bantuk in ralkap zong nih an tin co khawh ve ding mi thutden a si tihi nan hngal hrim ruah lo. Dear Miphun hawi hna Rlkap uknak a thian hlan cu Miphun party le Party dang nih cutin kha tin an in cawn piak mi hna kha tha te in rak tuak uh. Hlennak ramkheel an si kha.

261 minput in ramkheel a rak tuah mi le bang cu thutden ca lawng ramkheel tuah mi an si kha philh hlah uh… Hihi NLD nihcun ffiang tein a hmuh caah 261 hi a remh rih lo mi a si. 261 remh ding ahcun a cunglei phugnhram hna kha remh hmasa a herh. cu lo ahcun ralkap nih Chief Minister ruah lo piin a tuan khawh mi a si caah miphun kan dih lak caah tih nung mi a si. By Rolian

Be the first to comment

Leave a Reply

Your email address will not be published.


*