ZEIRUANG AH DAH DR SASA KAN LAWMH PI? A FIANG BAK HIH

UN Special Palai ah Dr, Sasa an thimmi cu a sunglawi taktak khi asi. Chinmi vialte lawmhnak in kan khat cio lai. Thawngttha tuk a sinak a ruang cu atheimi tampi kan um ko lai nain a thei rih lomi hna caah tiah tlawmpal ka vun langhter lai. Hiti ka vun langhternak aruang bik cu ralkap thimmi hna ah a ruatmi kan um sualnak hnga lo caah khin a si.

Pu Aung San Aung Cu Ralkap Nih Chin State SAC Chairman Ah An Thim - LAIHOLH  NEWS

Tulio cu Kawlralkap nih uknak an lak hnu ah kanmah Chinmi anih anih timi hna cu kawlralkap nih cozah thar an dirhnak ah rianttuantu dingah an thim hna. Kawlralkap nih rian an khinhmi tampi lak ah tulio social media ah zapi nih kan duh lo bik mi Pu Ngun San Aung le Dr. Ngun Cung Lian hi an si. Adang zong an um lengluang nain kan langhter lem lai lo. Aruangcu adang hi cu cutluk in an vun langh lo caah asi.

Dr SaSa WashingtonDC a rat lio August 25 ,2012 - YouTube

Zeiruangah dah Pu Ngun San Aung le Dr. Ngun Cung Lian rian an khinhmi cungah Laimi or CHinmi kan lung a fah lio ah zeiruangah dah Dr Sasa kan lawmhpi ti ahcun a ruang a um. Pu Ngun San Aung le Dr. Ngun Cung Lian cu kawlralkap nih an thimmi hna le rian an khinhmi hna asi caah kan lung atlin lonak asi. Dr Sasa rian a khinhtu hna he an dirhmun ai khah lo caah asi.

Kawl Pawl Nih Dr Ngun Cung Lian An Phomh Ning Cu Faak Bak Ko -

Dr Sasa cu kum 2020 thimnak ah teinak a hmumi Myanmar Hluttaw palai ai awhtu buu a simi CRPH timi nih UN palai caah an thimmi asi caah Chinmi vialte nih kan lawmhpi nak asi. Tutan ah Dr Sasa a thimtu hna hi ralkap an si lo. Mipi nih thimnak ah kan duhmi le aa kan hruaitu dingah vote kan pekmi hna teinak ahmumi hna aiawh in an thimmi asi caah lawmhnak an chimmi hi a si.

Kan cawhpolh suallonak dingah afawinak in vun langhterning law, Pu Ngun San Aung le Dr. Ngun Cung Lian cu ralkap nih an thimmi hna asi caah Chinmi nih kan lawmhpi khawh lonak hna hi asi i, Dr Sasa kan lawmhpi khawhnak aruang cu a cunglei ah ka langhter cang bantukin 2020 thimnak ah teinak a hmumi Myanmar Hluttaw palai aiawhtu buu a simi CRPH nih an thim caah kan lawmhpinak asi. Credti: BTL

Be the first to comment

Leave a Reply

Your email address will not be published.


*