UPAT MI DR SASA CU A LUNGFIM CIKCEK KO CANG LAI HIH

Henry Van Thio Cu NLD Thawngin VP2 A Tling An Ti Maw Cu. Chin World nih Chinram NLD lamkaltu Dr.Sa Sa interview an tuah mi ah NLD party hi Chin mi a kan daw bik tu (Cezushin) an si. Zeicatiah anmah thawngin Henry Van Thio zong VP2 a kan pek a ti. Fact Check: Henry Van Thio cu vote 79 in VP2 a tling. Hi lakah NLD party vote cu 30 lawng a si i a tangmi 49 cu tlangcung mi party hna i MP vote an si.

Nominate a tuahtu cu NLD party an si nain VP a tlinter tu cu tlangcung mi party an si.Hi hmanh ah tlangcung mi party zeitluk dah a bia pit? Kawl party nih hruaimi party tang na um chung poah cu na miphun party nih hnu lei in an bawmh lo ahcun zeihmanh a si lo ti hi VP2 kongah tehte zoh ko uh! Atu ah UEC nih tlangcung mi party thawnnak hmun poah ah thimnak tuah lo ding an ti.

Tlangcung mi party an hrawh. Candidate pawl zong disqualify an ti hna.NLD nih tlangcung mi party thazang thawn lai hi an duh lo ee tiah tuan pi ah ka tial cang. Atu ka chim bantuk tein kawl le kawl cu buu dangdang an si zong an lung an i hmu i anmah le anmah cu an i dirkamh thiamthiam. VP2 pakhat te kan ngah ruangah kan i lawm ko.

Amah zong aa timh lo mi pi party NLD ah ai pe. Ai ruah lo tuk mi VP2 dirhmun hna a phan. Awngbali (lottery) cawk loin a ngah (a Poh) bantuk a si caah Pathian nih kan miphun a kan cawisan tiah ruat ko u si. Nain amah a cawisang tu hi miphun party an si ve caah miphun party CNLD ahhin kan lung i hmu in tangti hna u sih.Atu ahcun 2008 phunghram tharchuah mi ah tlangcung mi covo kong he aa pehtlaimi tete zong upadi an ser mi tete an um.Cauk hring ahcun a kan pek i a ngah cu kan ngah tak rih lo.

Hi pawl kong hna ceih ahcun miphun party he dakaw ceih a hau te lai cuh.Cucaah kan miphun nih kan pal ding bingbo le horthuk le tlangsang an tam tuk rih.Hi bantuk lio te ahhin kan lung ai rual a hau khun caah miphun aiawh CNLD party ahhin aw khat in chuah hna u si.Kanmah le kanmah kan i upat i kan thazang kan funtom hmasa lawng ah miphun dang upat zong kan tong ve lai i timi hi vote hlan ah biatak tein ruat hna u si. Credit: Salai Tin Maung Win

Relchih thawngpang dang:US President Donald Trump nih keimah nak in thil a ti khomi le minthang taktak asi mi cu Jesuh Khrih hi asi ko tiah a chim. Nizan ti awk ah khan US President Donald Trump cu Campaign a tuah. Cu a tuahnak ah Donald Trump nih a timi cu keimah nak in minthang le thilti kho cu Jesuh Khrih lawng hi a si tiah uangthlaar taktak in a chim.

Mah bia a chim bak ah angaitu mipi hna cu lawmhnak in an khat i, thangtaktak in an au i, an kut an bengh tiah an langhter chih. Culawng siloin tutan campaign atuahnak ah amah a zuamcawhtu Democratic presidential candidate asimi Joe Bide zong fak ngaiin a tthuat chih rih. Atimi cu ziknawh eihmuarnak atuahmi Joe Biden hi Tuluk cozah zal chungah a um cuahmah mi asi tiah atthuat.

Culawng siloin Joe Biden pin ah White House Immunologist le US Covid-19 sibawi thiam bik tiah an ruahmi le an zumhmi Dr Anthony Fauci zong an min alanghter hna. Zawtnak ttihnung a sinak le tuar aharning hna hi zeite hmanh ah an rel lo i, mipi sin ah mask i vuah lo dingin a chimh hna tiah a chim. Trump le Dr Fauci hi zawtnak kongah an i hmuthiam lo ngaingai ti asi.

Aralai mi November ni 3 US thimnak ah hin ahodah teinak a hmu lai tiah mipi ruahnak Poll an tuah lengmang. Asinain an tuah mi ahcun Donald Trump nak in Joe Biden atling deuh lai tiah Trump cu Joe Biden tangah an chiah. Hi konghe pehtlaiin Donald Trump nih a timi cu hi an tuahmi pawl hi ahmanmi asi lo lih le hrokhrawl lawngte asi.

Tutum zuamcawhnak ah hin ka tling hrimhrim ko lai tiah raltha ngai in a chim. Aliamcia US President thimnak zong ah khan Donald Trump cu mipi ruahnak lakmi ahcun teinak a hmu lai lo tiah an rak langhter lengmang. Asinain adonghnak taktak ahcun Donald Trump nih teinak a hmuh. Hi kong zongah Trump nih atimi cu lihlawng tein poll an tuahmi asi i, zeihmanh aalangh lomi US mifim hna hi tampi a caan te ah an rak chuak. Tutan zong an chuak tthan lai tiah tuan deuh ah khan a chim.

Be the first to comment

Leave a Reply

Your email address will not be published.


*