TUTAN THIL ACANGMI ZOH TIKAH TRUMP HI WHITE HOUSE ALUT TTHAN LAI

Donald Trump dirhmun cu attha chin lengmang ko cang. Democrats pawl cu hmaichia ngaingai in thong zong atla khomi an si chim awk attha tilo. Nizan Georgia state ah State Legislator hna cu video conference hearing an ngei. Cu ahcun Evidence rinh atlakmi vialte an pholangh dih pin ah Dominion voting system in ningcang loin vote suaksam mi vialte zong an langhter dih.

Atu bantuk in thil sining thimnak akal lengmang ko asi ahcun US Supreme court nih buainak kong a phisin lo zongah US Constitution nih nawl a onh bangin mah Swing state, Republican State Legislature hna nih Donald Trump vote dingin December ni 14 ah khin Washington DC Electoral College vote an thlah hna lai i, Trump atling ko lai tiah an chim.

Sihmanhsehlaw hibantuk in Republican state kip siseh Donald Trump team hna nih fawite in teinak hmuh cu an duh ko nain an i hmuitinh bik mi cu US thimnak ah hin thil hman lo kha langhter i, ning cang lo asimi vialte hna kha mipi vialte nih thei hna seh timi saduhthahnak he tutan thimnak zong hi an chuahpi nak hi asi.

Tulio dirhmun zoh tikah cun Donald Trump caah White House hi a nai chin lengmang ko cang. Hi lio caan ah Joe Biden lei caah cun thonglam panhnak anai chin lengmang ve cang. Credit:MC. Biachap. US thimnak konghi abuai chin lengmang lei apanh, Biden thatnak thar chuah lengmang asi bangin Trump thatnak hi tharchuah lengmang asi ve timi hi careltu zong nih theih ahau.

Relchih Abiapi taktak mi asi: Chin miphun kan umnak area Lewisville, Sherman le Garland ah Palik nih “ Tlaih dingin a bawh bakin a kan bawh” timi bia hi ka theih pah tawn lengmang. Abikin DWI case in an tlaihmi hna nih an chim tam. USA ram ahcun kiangkam innpa (neighborhood) pawl nih a kan remlonak hi direct in kan mah sinah a kan chim tawn lo.

An zai lo. Nain an kan zoh a kan zoh i kan thutdirning le nunzia a kan rem ti lo ahcun report/complain nak an tuah tawn. Report a tam deuhdeuh nak hmun paoh ahcun Palik nih voi tam deuhdeuh a ngiat deuh ko lai. Chin miphun chungin DWI in tlaihmi ahhin kiangkam nih 911 auh ruangah palik nih tlaihmi an tlawm ti lo.

Chin miphun chungin DWI tlaihmi hi kan milu he tahchunh ahcun a tam kho men. Tha tein cazin tuaktannak kan ngei lo caah chim awk a har. Nain a fianmi cu DWI case in tlaihmi kan tlawm te ti lo. Zuu din ahcun mawtawka mawngh lo hi DWI tlaihnak in luatnak caah a tha cemmi hriamnam asi. USA ah Uber ti bantuk a um ko caah party maw siloah hawile he iton caan tibantuk,

Caan i zuu hna tam deuh din sual caan ahcun mah mawngh mi mawtawka cu chiah ta ko i Uber hlan in inn lei tin ah a humhim bik. DWI in tlaih sual ahcun hmailei riantha sawknak le pumpak thanchonak lam caah dawnkhan khotu asi caah fimkhur tein um a herh. Credit: Salai ZT Lian.

Be the first to comment

Leave a Reply

Your email address will not be published.


*