TUCHUN RALKAP LE PALIK THILTUAH CU KHUARUAHHAR BAK AN SI KO HIH

Kawlralkap le palik pawl tuchun an thiltuah mi cu khuaruahhar taktak an si ko cang. Tuchun ah Mandalay Economics Bank hmai ah duhlonak alanghtermi cu khairiat kuan (rubber bullets) le Chai bak in tthawl an timh hna. Kawlralkap nih uknak an lakmi duhlonak cu kawlram miphun vialte nih umnak hmun cio in an langhter hna i, biatak tein dohkalhnak an tuah.

May be an image of one or more people, tree and road

Cu chungah tutan thil an tuahmi cu amak taktak khi asi ko. Ralkap uknak adohtu mipi hna cu aliamcia caan bangin tuchun ah Mandalay khuapi zongah mipi nih lamzawhnak in an langhter tthan. Mandalay khuapi i, Myanmar Economics Bank hmai ah lam zawhtu hna cu Palit nih tthawl le dawi an timh hna i, khairiat kuan le Chai bak in an tthuat hna pin ah tthenkhat hna cu an velh rih hna i, tthenkhat cu an tleih hna.

May be an image of one or more people, people standing, road, crowd and street

Tutan thil cang kongah minung pahnih zong hliam an tuar tiah theih asi. Asinain a nunnak aliammi tucu an um lo tiah an langhter. Kawlralkap nih uknak an lak hnu ah alam kip in duhlonak mipi hna nih an langhter tikah kawlralkap zong an thinphang cang ti asi. Cun ralkap thaazaang langhternak zong an tuah pah cang tiah theih asi. Asinain mipi nih lamzawhnak tuahmi cu thulh hrimhrim an i tim lo tiah hmunkip cawlcanghnak chungin le thanhnak an tuahmi chungin theih asi.

Pu Siang Mang Nih Fianternak Atuah: Ralkap nih nawlngeihnak a lak hnu ah Chin State Administration Council (SAC) Chairman ding ah Pu Siang Mang cu rian an khinh nain a cohlang hna lo, tiah February 15 ah kan theih. “An ka fial taktak ko. Asinain, ka al ko hna. Zeicahtiah, kei cu mizapi nih duhlo mi cozah le hruainak tang ah riantuan kaa tim bal lo. Cun, 2020 November 8 thimnak ah mizapi dawtnak thawng in Palai zong ka rak tling.

Hi tluk in mizapi nih an ka dawt lio i mizapi nih an duhlo mi ah vaa thial cu kaa timh bal mi a si lo ca ah ka cohlan hna lonak a si,” tiah The Hakha Times ah a chim. SAC Chairman hlun Terrance Pu San Mawi Ni Khuai cu February 11 zing ah lung lei zawtnak in ruahlopi in a thi i cu hnu ah amah ai-awhtu ding ah Pu Siang Mang an sawm nain a cohlang hna lo, tiah kan theih.

Chin State Administration Council Member (SACM) ah Pu Ngun Sang Aung, Pu Go Suan Khai le Minister hlun U Han Win Aung hna lawng members an fiang rih i Chairman ding a fiang kho rih lo. Pu Siang Mang cu 2020 November 8 thimnak ah CNLD party in amah lawng teinak a hmu mi a si, tiah kan theih. Credit: The Hakha Times.

Be the first to comment

Leave a Reply

Your email address will not be published.


*