TLAMTLING HRAM SEH, FIANG TEIN ALANGHTER KO CANG HIH

Zeidah a cang kho (pumpak ruahnak) A rauh hlan ah SAC ralkap nih zeidah tuah a timh lai? Mipi, CRPH, Tlangcung mi zapi fonh nih tah? SAC nih November ah Thimnak election tuah khawhnak a pah chih lai. June le July ah party sawm le campaign tuahnak nawl a onh lai. PR system in thimnak a tuah lai.Atu lio tlaihmi Tamadah le Pi Suu le Vice President Pu Henry le hruaitu tlaihmi pawl tu thla maw hmai thla ah a thlah dih hna lai.

Cu thlah hnu ah An duhmi paoh Pohma 505 maw asiloah Eihmuarnak puh in maw taza an cuai hna lai. NLD party hrawh aa zuam lai. Ralkap dohtu hrem le namchih a zual lai. Rohingya an lak hna lai a hman hna lai. Party tampi he hawikomhnak alliance a tuah lai. Covid vaccines chunh cio ding in a nam lai. Covid stimulus fund chuah piak le private sector caah Trade le sipuazi liberalization a tuah lai. Tangka a rial lai. Inflation a sang lai.

Ramchung ramleng luhchuah a har lai. Nikhat Kyat 3000 tang ei milu 65 to 75 % tiang an karh lai. Cu chung ah Zero income hlawh ngei lo 30% an phan lai. Sualnak crime a karh lai. Mipi, CRPH le Tlangcung hriamtlai lei in tah zeidah an tuah lai? Federal Army ser a thawk lai. Ramchung ramleng hriam bawmhnak a lut lai.Hriamtlai umnak hmun, peng le tlang ah kahnak a zual lai.Khuapi deuh ah Guerrilla – ralfir-ပြောက်ကျား style in kahnak le puahnak a chuah lai.

Mipi nih CDF timi civil disobedience force, mipi ralkap phung an dirh lai.CDM le lamzawh a um peng lai. Federal phunghrampi ser an thawk lai. Ramri longh Refugee an karh lai. Ti rawl a har lai. Thil man a kai lai. Sipuazi rawk lai recession maw depression in crisis a cang lai. Mipi duhlonak a thawng chinchin lai. Rampumpi mipible ralkap donak ramchung ral a tho lai.

Chezchoslovakia ram i Prague Spring Liberalization Movement lio i hruaitu Alexender Dubcek chim bang, Pangpar cu man lak in an lamh an rial ko lai nain Tthal cu a an kham kho lai lo a ti bang (They may crush the flowers, but they can’t stop the Spring.” Alexander Dubcek, Prague Spring 1968) “ပန်းတွေကိုသာ နင်းချေပြစ်လို့ ရနိုင်ပေမယ့် နွေဦး ရောက်လာမှာကိုတော့ ဟန့်တားနိုင်ကြမှာမဟုတ်ဘူး”အရေးတော်ပုံ မုချအောင်တော့မည်. Tthal dothlenak kan tei cang lai! Credit: Dr. Sui Hingz

Relchih:Kawlram kongah Singapore Foreign Minister Vivan Balakrishnan cu tuchun ah ASEAN Chairman, Sultan of Brunei hmu dingah Brunei panh in a chuak cang. Cun Thaizing ah Malaysia ah lut tthan in Malaysia FOreign Minister Hishamuddin Hussein le Prime Minister Muhyiddin Yassin hna a ton hna lai. Cu hnu ah Indonesia president Joko Widodo ton dingin Jakarta apanh tthan lai.

Indonesia president nih hin naite ah kawlram chungah hruhru hranghrang cawlcanghnak le thahnawnnak hi an ngol colh ding asi ati i, cubia cu Malaysian Prime Minister zong nih a vun dirkamh pin ah ASEAN ram hna nih kawlram thilcang hi hma lak colh ahaumi asi tiah a chim. Hi konghe pehtlaiin Al-Jazeera thawngzamhnak nih atanglei bangin alanghter.

Singapore Foreign Minister Balakrishnan a khualtlawnnak nih hin ASEAN meeting auh ding maw asi lo ah, ramtthen kongkau chim ruahnak angeih lai tiah an chim. Malaysia Prime Minister le ASEAN Chairman of Parliamentarians for Human Rights nih an timi cu nifatin in kawlram ah mipi thahnak a chuak i, ASEAN cawlcangh ahau cang tiah an ti. Tutiang ah ralkap le palek nih an thahmi hna hi minung 250 an si i, minung 2665 an tleih hna.

Cuchung ah minung 2190 hna cu hren rih an si tiah AAPP nih alanghter. Aliamcia march ni 2,2021 ah khan ASEAN ram hna nih, ralkap pawl hna cu Daw Aung San Suu Kyi thlah dingin nawlnak an rak tuah cang. Asinain atu tiang an thlah duh lo. Tutan ah Singapore ramdang vuanci a khualtlawnnak ah hin Kawlram caah theipar ttha chuak hram ko sehlaw a tthatuk hnga.

Be the first to comment

Leave a Reply

Your email address will not be published.


*