THONGA NIH LAITLANG NLD PAWL CU CEILAK IN A TTHUAT KO HNA HIH

Thonga Thonga: Covid-19 Ai Ttihnung Laitlang NLD. National party in ram le miphun a siatsuah.Miphun party in ram le miphun a tung ding. National Party NLD: Pakhatnak. Chin State National party NLD thu kan rel hnik pei; Central ah NLD in ministry an form ih, state ah NLD in lalnak an co sile central buh iinpi an purhthiam danih zirin,

Hmuhtheih ttansohnak sumpai a tamin amal thei.Asinain miphun damnak le zalennak politics cu a tel riai lo.Central ih NLD an lal ruangah state CM hoha nakih finance department pawlin budget suai an thiam cuanglo ahcun, kapi ka pu ka rilrawng,cumi khami kan tul tiih pathian biakih biak khiokho si mei.

State CM Thu: Pahnihnak, State CM politician le politician loah,ram le miphun damnak,thuneihnak le tthansohnak naapi a tthum aw. State cozah tuahtu cun,central cozah tuahtu azawm a tul.An zawm lo sile hluttaw ah Opposition an si ding. Mizoram Congress party hi Central party an si.Budget suai an thiam lo bakah, mizoram budget anmahin an eithluh. Laitlang NLD hruaitupawl khal cuvek ciah an si.Tu’itum khalah thuphan le tiamkam ringotin an campagin.

Campagin tupawl kha rak zoh uh! NLD nan hriltlin pang le Chinram budget eithluhtu ding an sikha.Lai party an soisel le nangmah an lo soisel tel ve ti thei aw. Lai party le nangmah cu Laihri zawmaw nan sikha hngilh hlah. Tualto party MNF an lal le MLA hlawh khal an san. Mizoram budget khal a letin a pung. Hmuhtheih tthansohnak budget thuah,dinglai NLD party aiin CNLD tling sehla a let 3 in a hlawknak kan hmuthei ding.

Lai Party A Tul Nak: Pathumnak. Leitlun politics na zoh sile National party in ram le miphun an siatsuah. Ziangtin? State ramri thuah aw an suah ngam lo. Ramri umcia hman an hum ngam lo. Central thusuak loin an cang ngam lo.Central thu el hnak cun, maii miphun tuarter an duh sawn. Central thu el ding khi thih hrehin an hreh! a khurhin an khur. Pu Hawla le Chinram CM cu အတူတူပဲ” Zei tinak hman an siloh.

Cu’iruangah miphun party a tul.Miphun party policy sungah,ziangkim a famkim theh. NLD campagin tupawlin CNLD nan vote sile ralkap kuli nan phur ding ti vek khi bumawknak le tihthaih awknak men a si.Na miphun party vote na pek lole Chinram cu puurangin a khat theh ding. Miphun party lo cu thlitawm le ram le miphun eisiattu hrikpi an si ko.

Aruh Lang In:Palinak. Chin party a dinsuah lo cun,nangkhal na dingsuak lo ti thei aw.Chin party na vote lo le tainginta pawl bumkual rerotu Central NLD na vote ti thei aw. Chin party ihsi lo cun, pumkhatawknak, lungrualnak, zalennak le tthansohnak ngaingai a umthei lo.Na ram,na khua,na kohhran, na miphun, na iinsang le na bulbak zalennak le nunnomnak na duh sile Chin party vote aw. Ram le miphun tungdingtu ding cu na miphun party a si.Note; Mi pangai cun,ma’i sinnak theiin miphun zawn rauh hna an thiam.Mibanglo le tender beisei pawlin NLD vote hai seh.

Be the first to comment

Leave a Reply

Your email address will not be published.


*