SALAI VAN LIAN THANG: INSEIN RAL AH CHIN RALKAP NIH UNION OF BURMA

Insein Ral ah Chin ralkap nih Union of Burma a kehkuai nak hngalo nunnak tampi thapin an rak dirpi bal. U San Ngunt Lwin nih our love for our country, our love for our Union tiah a chimmi cu mah bantuk Insein Ral lioah Chin miphun lungput bantuk kha a chim duhmi cu asi. Nain, 1962 hnuin True Union timi ngaingai hi a um ti lo. Tatmadaw mit ahcun tulio Kawlram cu Genuine Union asi ko.

Nain, tlangcungmi caah cun a deumi quasi Union asi. Hi bantuk hi U San Ngun Lwin nih kan dirkamh lai i kan dawt lai, tiah a chim duhmi asi lo. Tatmadaw mit ahcun Union timi cu Myanmar kha asi ko. 2008 Constitution i Preamble hrimah Myanmar is a Nation tiah an thawk. 2008 Phunghram pohmah pakhatnak hrim hi Myanmar is an independent Sovereign Nation tiah an thawk.

Tuni Kawl ralbawizik a speech ah We are Myanmar timi lungput ngeih a hau tiah fiang tein a chim. Tatmadaw le Kawlmi tampi nih Union kha Myanmar ah sullam an lakmi bantuk hi U San Ngunt Lwin te nih an dirkamhmi le “dawt-awk an timi kha asi bal lo. Kawlram i a ummi miphun vialte kan zapi tein Kawlmi sinak chungah luhter Myanmarnization or Burmanization ah tuah i, Myanmar ah canter timi phun ruahnak lungput kha U San Ngunt Lwin te nih an dirpimi asi bal lo.

Amyo-Bata-Tatana timi policy a ngeimi Kawl Nationalism bantuk pakhatnak ah a chiami lungput phun kha a ṭha lo. Kawl miphun nih “Amyo, Bata, Tatana” timi “pakhatnak” an chia tawn i a dang miphun pawl identity le history ṭha tein a pom duh lomi Kawl nationalism bantuk lungput kha “pakhatnak” kan chiah awk a si lo, miphun vialte kan zapi tein tlukruannak a ummi le sermi ramkomh Genuine Union ser duhnak le dirpi duhnak le dawtnak lungput tu kha “pakhatnak” kan chiah awk asi, ti khi U San Ngunt Lwin nih a chim duhmi asi.

Cucaah tulio Tatmadaw le Kawlmi tampi nih “Union” an timi a deumi phun hi “pakhatnak” ah kan chiah-awk asi, tiah U San Ngunt Lwin nih a chim, tiin a sullam kan lak piak sual ahcun cucu a palh sualmi “misleading or misinterpretation” asi hnga. Tlangcung miphun cu kum 70 chung thleidannak phunphun “Institutionalized discrimination” kan tuar. Social exclusion fak ngaiin a ingtuarmi le sirlei ah hnawnmi “margninalized miphun” kan si.

Miphun thisa lungput hmanh ṭhaṭhi in ngei kho ti lo lakin duhsah tein anmah miphunpi chungah luhtermi “ethnocide” kan si. Cu bantuk mithmuh lo chunglei ral (internal enemy) lakin iven khawhnak dingah hriamnak umchun cu miphun thinlung lungput ngeih “nationalism” hi kan caah pakhatnak cu asi ko. Naga miphun hruaitu A.Z Phizo nihcun, “I’m a Naga First, a Naga second, and a Naga last” tiah a rak chim.

Vai Film hmanh Naga ramah an nawl loin zalong ngaiin piah khawh a rak si lo. Cu bantuk lungput an ngeih caah an pawngkam miphun sinin hmaizah upat an co. India cozah pi manh nih a tihzah upat hna. Hmailei ahcun an dohthlennak nih a tlunpi dingmi salu zong hi sakhi lu le sakuh lu bantuk sawhsawh asi lai lo; vuipi lu le vomkhuai le ngalhriang lu tia asimi, tulio Kawlram i UWSA bantuk “political status” sang ngaimi phun deng hmanh khi asi te kho ko.

Naga Flag hmanh anmah tein an ngei te men ko lai. Cucu an miphun thinlung lungput (Naga nationalism) ruangah asi. SNLD zong hi thimnak an luhphot ahcun Shanram ah anmah miphun nih an tei zungzal. Miphun dang nih hmunhma an chut kho sasai hna lo. Tuchun zapi sinin upat hmaizahnak an hmuhmi te hna hi an miphun ah an ifuntom hmasat ruangah asi ko. “Shan nationalism” ruangah asi ko.

SNLD hi NLD cozah a kai kaa te-ah Cozah vuanci reng lianpi pek dingin NLD nih an nawl len hna nain an rak duh lo. Cu bantuk menah an miphun “political dignity” kha an zuar siang hna lo. Cucaah an miphun khi ramkhel leiin limhang le dignity an ngei. Chin miphun zong hi asi kho ve tukmi kan si. Naga hruaitu pakhat a lungput phun tu hi kan miphun lungput asi ve awk asi, ti hin a chim,

I love India, because I belong to India, but I love Nagaland more than India because I am a Naga, born there and shall die there whether in shame or with national dignity”. Note: SNLD Vice Chairman U San Ngunt Lwin nih a chimmi bia te kha mi tampi nih an char i an zamhmi cungah “comment” ka rak tuahmi ka thlah ṭhanmi asi. Credit: Van Lian Thang

Be the first to comment

Leave a Reply

Your email address will not be published.


*