FIANG TAKTAK IN COMMENT A TUAH KO CANG HI SALAI VAN LIAN THANG NIH

Salai Van Lian Thang comment: Insein Ral ah Chin ralkap nih “Union of Burma” a kehkuai nak hngalo nunnak tampi thapin an rak dirpi bal. San Ngunt Lwin nih “our love for our country, our love for our Union” tiah a chimmi cu mah bantuk Insein Ral lioah Chin miphun lungput bantuk kha a chim duhmi asi.Nain, 1962 hnuin “True Union” timi ngaingai hi a um ti lo. Tatmadaw mit ahcun tulio Kawlram cu “Genuine Union” asi ko. Nain, tlangcungmi caah cun a deumi “ qua-si Union” asi. Hi bantuk hi San Ngun Lwin nih kan dirkamh lai i kan dawt lai tiah a chim duhmi asi lo. Tatmadaw mit ahcun “Union” timi cu “Myanmar” kha asi ko. 2018 Constitution Preamble hrim hi “Myanmar is a Nation” tiah an thawk.

Pohmah pakhatnak hrim hi “Myanmar is an independent Sovereign Nation” tiah an thawk. Tuni Kawl ralbawizik a speech hrimah “We are Myanmar” timi lungput ngeih a hau, tiah fiang tein a chim. Tatmadaw le Kawlmi tampi nih “Union” kha “Myanmar” ah sullam an lakmi bantuk hi San Ngunt Lwin te nih an dirkamhmi le “dawt-awk” asi, an timi asi bal lo.

Miphun kan zapi tein Kawlmi sinak chungah luhter “Myanmarnization or Burmanization” in “Myanmar ah can dih” phun ruahnak lungput kha an dirpimi asi bal lo. “Amyo-Bata-Tatana” timi policy a ngeimi “Kawl Nationalism” bantuk pakhatnak ah a chiami lungput phun kha a ttha lo, Kawl miphun nih “Amyo, Bata, Tatana” timi pakhatnak a chia i a dang miphun pawl “identity le history” ttha tein a pom duh lomi “Kawl nationalism” bantuk kha pakhatnak kan chiah awk a si lo.

Miphun vialte tlukruannak a ummi le sermi ramkomh “Genuine Union” ser duhnak le dirpi duhnak le dawtnak lungput tu kha pakhatnak kan chia hawk asi, ti khi a chim duhmi asi. Cucaah tulio Tatmadaw le Kawlmi tampi nih “Union” an timi a deumi phun hi pakhatnak ah kan chiahawk asi, tiah San Ngunt Lwin nih a chim tiin a sullam nan lak piak sual ahcun cucu palh sualmi “misleading or misinterpretation” asi hnga.

Tlangcung miphun cu kum 70 chung “Institutionalized discrimination” kan tawn. “Social exclusion” fak ngaiin a ingtuarmi le sirlei ah hnawnmi “margninalized miphun” kan si. Miphun lungput hmanh ngeihkho ti lo lakin duhsah tetein anmah miphunpi chungah luhtermi “ethnocide” mi kan si. Cu bantuk mithmuh lo chunglei ral (internal enemy) lakin iven khawhnak dingah hrimnak umchun cu miphun thinlung lungput ngeih “nationalism” hi kan caah pakhatnak cu asi ko.

Naga hruaitu A.Za Phizo nih cun, “ I’m a Naga First, a Naga second, and a Naga last” tiah a rak chim.. Vai Film hmanh Naga ramah zalong ngaiin piah khawh asi lo. Cu bantuk lungput an ngeih caah an pawngkam miphun vialte nih an hmaizah upat hna, India Cozah pi manh nih a tihzah upat hna. Hmailei ahcun an dohthlennak nih a tlunpi dingmi salu zong khi sakhi lu bantuk sawhsawh asi lai lo, vuipi lu tia asimi, tulio Kawlram i UWSA bantuk “political status” sang ngaimi phun deng hmanh khi asi te ko lai.

Naga Flag hmanh anmah tein an ngei te men lai.. Cucu an milhung lungput (Naga nationalism) ruangah asi ko. SNLD zong hi thimnak an luhphot ahcun Shanram ah anmah miphun nih an tei peng. Tuchun zapi sinin upat hmaizahnak an hmuhmi te hna hi an miphun ah an ifuntom hmasat ruangah asi ko. “Shan nationalism” ruangah asi ko. SNLD hi NLD cozah a kai kaa te-ah Cozah vuanci rian lianpi pek dingin NLD nih an nawl len hna nain an duh lo.

Cu bantuk menah an miphun “political dignity” kha an zuar siang lo. Cucaah an miphun khi ramkhel leiin limhang le dignity an ngei. Chin miphun zong hi asi kho ve tukmi khi kan si. Naga hruaitu an lungput phun tu hi kan lungput asi awk asi, ti hin a chim, “I love India, because I belong to India, but I love Nagaland more than India because I am a Naga, born there and shall die there whether in shame or with national dignity”.

Be the first to comment

Leave a Reply

Your email address will not be published.


*