RAMKULH LUTLAI CM THIMNAK NAWLVO BY PU DAVID NGAISAK

Ramkulh Luzik CM Thimnak Nawlvo.Party Phuntling Democracy phung ahcun Mipi nih mah Ai-awh ah thim mi PALAI hna nih mah I Ram le Miphun caah si seh: Mah Ramkulh ah siseh: Uktu Zik cu: zalon tein thimh nak nawl an ngei Cikcek.Federal Democracy ram hna ahcun; Mah le Ramkulh cio ah: Mah tein Khuakhan LAIREL nak an ngei.

Upadi sernak, Ukpen nak, Biaceih nak timi, Kokek Nawl ngeih nak phun (3) in aum ve. Ukpen nak a hman ding mi Vuanci Chok (CM) cu: Ramkulh PALAI hna nih an mah lak ah a fit bik mi le dotla cem mi kha; Zalon tein thimh nak nawl an ngeih ve.Democracy a duh mi le Federal Ramkomh sersiam aduh mi poah poah nihcun Mah tein CM thimh nak Nawlvo caah siseh Pine PALAI hna nih zalon tein CM thimh khawh nak caah siseh Kan za pi tein ṭanrual ṭi in: Upadi remh ding ah I bawmh cio hna sih.

Tlangcung mi hna nih Lungrual tein le Biatak tein kan dohdal ding mi hna cu: Pohma 261 remkhawh lo ding in Lam Vat tu hna: CM thimh khawh nak Upadi le phungphai remh lo ding in Khuakhang in le Dodal tu hna: Mipi PALAI asimi Pine MP hna nih zalon tein CM thimh khawh nak ding kha: Alam kip in Lam kham tu hna:

Mah tein CM I thim khawh asi ko ahcun Party dang an si zong ah a poi nak aum cuang lo. Bahu lei in a chak an merh mi pa CM nakcun a ṭha deuh saumau. Tamada nih Duh poah in Lam ter mi CM Nakcun a let in Mipi caah a intuar khawh lai i: a pek chan khawh deuh lai.

Thimhnak TEITU chung in: Tamada nih: Hmawcare in thimh mi CM phung cu Ni Vung chan ah rak hmang cang mi asi. A tu Democracy chan ah hman rai asi ti lo. Hru Hru Hrang hrang Ukpen nak chan sau ter ding ah Ni Vung Nih a hmang mi Bahu Nawl ngeih nak cungnung nak asi. Mipi vial te nih kan doh awk zong asi fawn.

Tlangcung mi hna nih mah ram kulh cozah ser khawh nak nawl le CM zalon tein thim khawh nak nawl: Lam kham tu hna bawmh tu le Ṭanhpi tu hna cu: An mah duh ning in Lam le thuih ter mi Party kha na bawmh chan asi btk in; Surlu lei in lam ter le chak merh kha na duh tuk bia asi ve hnga. Na tefa tiang in Mikut tang ah Mithmai bit ngai in: um zungzal hna seh, tiah na ti he aalawh hnga.

Ramkulh cio ah Kokek Miphun party nih 100% tei I zuam ahcun: Tamada nih CM ah a thiah ding mi tiang um lo in tuah ahcun: Hlutdaw ah TEINAK hmuh in Mipi Ṭhat hnem nak le Nun duh dim nak caah, Cozah kha a chak kan merh khawh ve ahcun: Zei tin nan ruah cio? Biatak tein tuak in ruah lo in um awk ṭha ti lo.

Mah Pine Uktu Zik (CM) kha: mah tein thimh nak donkhang tu PARTY kha: Mipi thazang in ngawl ter khawh asi. Mipi nih nan kan bawmh ahcun Mah tein khuakhan LAIREL nak Ramkhel tu Miphun party le Miphun le Ram caah a Hmuitinh mi: Miphun party cu maw: Na doh rih lai i: a thang na chiat rih kun lai? (Cozah an serh kho lai lo tiah?)

Mah tein Khuakhan LAIREL nak hmuhco nak le CM Zalon tein kan I thimh khawh nak lai: Miphun Party le na COKA party kha: Thazang ṭhawn ter ve cang law UNAU! Federal Ram Komh lei panh in Party dang hna he Tlukruan tein le ZAA tlai buin Kal cang hna sih. Na techin fapar caah: Thanthar mino hna caah: Biatak tein khua tuak tan ding ah kan sawm hna.Mikip nih Mah tein khuakhan LAIREL nak lei panh buin: Miphun party vote! By. Pu David Ngaisak (Alettu Saya Rungkaw)