RAM LE MIPHUN A DAWMI VICE PRESIDENT HENRY VAN THIO. BY SUI HINGZ

Ram le miphun a dawmi Myanmar ram Vice President Pu Henry Van Thio, kan Patriot nih ramrian vice president a tuan pah in Chin ram cul in a vak i hydroelectric power a chuah khawhnak hmunhma pawl kum 4 chung a kawl i kan Chin ram ah ti-thaa in mei thaa pek khawhnak hmun tam ngai a hmuh hna.

Cu chung in ka theih tawk cu Laymyo tiva nih 600 MW (Lemro), 200 MW (Mil-chang), 90 MW a chuah pi khawh nak le Falam lei ah Manipura tiva in 380 MW, Vaar ah 320MW, Tonzang ah 240 MW (Naak Zaang) le Tedim ah 280 MW (Lai Tui), Matupi Bawinu va ah 240 MW (Darling) le Laymyo va ah 60MW (Lemro), Thantlang Bawinu va 85 MW (Hnaring), a chuah pi khawh hna lai.

Cun a dang kan ngeihmi tiva pawl BawiNu va, Timit le Kaladan (Kissipanadi), Tio va, Lemro va, Neyinzaya tiva (Tuimi Lui) tbt pawl nih 30 MW tiang cu a za leng a chuahpi khawh hna lai. Hi mei-thaa power generation hi ramchung ramleng ah kan zuar khawh dih lai. Income tam tuk kan hmuh lai.

India ram i Sikkim State khi tiva a tamnak Chin Ram bantuk a si ve i Power generation (mei thaa) pek in a paw a cawm, hlawh tampi a hmu i a rum ngaimi State a si. Teesta ah 510 MW, Rangit ah 60 MW, Chujachen ah 99 MW, Jorethang ah 96 MW, Teesta ah atu 1200MW an tuah i an State Cozah le Private kampani nih PPP model, Public Private Partnership model in an tuah i an State ni 51% share a lak.

Sikkim State hi Area 2,740 square miles (7,096 square km) a si i kan Chinram hi 13,907 sq mi (36,019-square-km) hi a let nga in a ngan nain an milu cu 657,867 (kum 2020) an si. 2017 i an GDP cu Nuai $3100 a si lio ah Chin Ram GDP cu nuai $135 lawng a si. Sikkim hi ciinthlaknak le meitha peknak (power generation) le Tourism hi hlawh an hmuhnak bik sipuazi an si.

Sikkim State ah fungvoi (corn), facang (rice), changvut kung (wheat) le barli (barley) kung, pe (pea), soybean (behrum) te hna an ciin i an ram ah ei ding tlamtling te in an ngei (self-sufficient) an si pin ah State leng ah an zuarmi hi 2017-2018 kum khat ah million $67 an ngah rih. Cun an ram chung ah thingram le pangpar le saram (flora and fauna) hna hi phun 5000 hrawng a um i thingkip par (orchids) phun 515 hrawng a um pin ah chokhlei par (rhododendron species) phun 36 an ngei.

Tlangsang ah an um tik ah floriculture pangpar phun tampi an ciin an khuaram kha reserve (kilven le humhimnak) an tuah. Ramchung ramleng khual tlonglennak Tourism hi khuaram hmuh duhmi khual, homestay ti in community-based sustainable tourism, Cultural tourism timi nunphun le zatlang lei khual, trekking timi ke in khua tlawng (Nepal ram ah phaisa tambik an hmuhnak tourism phunkhat) le ecotourism timi pawngkam le khuaram humhim zohkhenh duhnak he tuanvo ngeimi khual, damnak kawlmi khual, flori-tourism timi pangpar phun zoh ah (Pyin Oo Lwin) bantuk phun.

An khua ram kha Pangpar dum phun botanical garden, le adventure tourism timi kal bal lo nak ram le tihnung nak hmun zoh a duhmi khual tibantuk in tourism kha tampi an tuah i mei le ciinthlaknak le khual i an State cu a rum i an GDP per capita hi minung pakhat ah $4,718 a si (2018). Kan Chin ram zong nih cu bantuk thanchonak kan tuah khawh ve. Credit: Sui Hingz