A DAWTMI ANUPI NUNNAK ALATU PU. SI BIK KONGLAM

Pu. Si Bik sining hrilhfiahnak.Pu Si Bik hi Sianginn catang Tangkhat hnih hrawng akai mi asi.. Mi nun ttha asi , Mi zei he hmanh atlanval lio in siseh, apatun hnu zongah ai sivua bal mi asi loh. Tutan thil kan ton mi konghe pehtlaiin Pu Si Bik cu Mithat lainawng asi ko.. Si Bik hi Pathian aduh taktak mi a si i, apiantharnak zong asau ngai cang, Ramleng kan chuah hnu ah Bikte apiangthar an ti ah hin kan i lawm tuk ciao.

Asinain Sianginn ttha tein akai ve lo mi le hawithluak biatak tein acanh ve lo tik ah, Bible arel deuh ahrut deuh, ahlim chin lengmang i, thawngtthabia achim hna ah hin ban ahngal ti loh. 2017 lio hna ah keimah zong nih chungkhar pumhnak ah thawngtthabia achim i asautuk caah bang ko cang ih zong ahau cang ti zong ka rak ti phah mi a si. Tutan hi Christmas hrawng khan Ruakhua ah Christmas ahman pah in Thlarau nih tlangah thlacam aherh ati i, ni 3 rawl a ul ta , cu hnu ahongtlun bak khan asining molh meh in aum i ahlimmritnak azualhma chin lengmang mi dir hmun ah aum.

Zeizong te hi keimah sualruangah asi ko, keimah Pa hi thi ninglaw ka fa le , ka nupi le zong van ram ah nan kai lai . keimah pa sual ruangah hin zei zongte hi abuai ko tbk khin aum i, amah le amah hna thah ai tim ttheu i, biatak tein ven hau in a um, silo le ka fa le ahotal nih hin dek hong ka that ulaw attha ko ti hna hi ati lengmang. a Nupi Biak Hnem nih biatak tein arunven ttheu, a zeital ai hlei hnga maw tiah Bible lei Training zong zarhkhat hrawng akai ter i arak tlun ah cun tlawmte cu ai ning deuh ati i anupi zong cu ai nuam ngai.

Cu vialte hlim aritnak le piangthar in apialsual mi boruak ah ahongcannak nih Kan U Pi Biak Hnem (Ronal Nu) cungtu ah atla i hitihin tuah hmawhnak thil acannak hi asi ..Apoi le apoi hringhran ko ee.Tantak mi chungkhar caah thlacamnak in kan bawm hram uh TIAH SUN DAY BORN NIH PU SI BIK KONGHE PEHTLAIIN ASINING A LANGHTER. Thil sining cu atanglei bantuk in hin asi.

Thantlang ah Thangzang khuami pakhat nih a nu pi a thah, Hakha Pengkomh, Thantlang khuapi ah khua a sa mi Zahnak tlang Thangzang khuami Pu Si Bik nih a nupi Pi Bik Hnem cu namtong in a hngawng ah a tuk i a nunnak a liam tiah Thantlang palek sakhan in thawng kan theih. Hi kong he pehtlai in Thantlang khuasa upa pakhat nih, “Atu thil cang hi zaanlei suimilaam 4:00 le 5:00 karlak hrawng ah a si.

Kanmah nih hi thawngpang kan theih hi cu suimilaam 5:00PM tluk ah a si. Atu an umnak hi Thantlang palek sakhan he aa naih te mi zong a si fawn. Cun, amah hi a tling pah lo mi a si, a thah hnu zong ah a zaam lo. Palek nih thawng an theih le cangka in an kal i an va tlaih colh. Atu hi Palek le rian ngeitu hna nih Thantlang sii-inn ah a ruak an chiah,”tiah The Hakha Post ah a chim.

Hi i thahnak kong he pehtlai in Thantlang Palek sakhan le rian ngeitu hna sin ah pehtlaihnak kan tuah ko nain, kan pehtlaih kho rih hna lo. Pi Biak Hnem hi a chuahkehnak khua cu Thantlang Peng, Hmunlipi khuami a si. Pu Si Bik he hin fa pasarih an ngei i Thantlang khuachung ah khua a sa mi an si. Cun, Pu Si Bik hi Pathian dawtnak a thei tuk mi le Pathian bia loin a um kho lo mi a si. Asinain, 2020 kum Christmas hrawng in khan a lung a tlau pah bantuk in a ummi a si tiah kan theih. Credit. The Hakha Post.

Be the first to comment

Leave a Reply

Your email address will not be published.


*