PU NGUN SAN AUNG CAAH CUN TING-TTHI POH BANTUK ASI

Thil Tha tuah hi Rumnak ah a um lo. Lungput ah a um. US-Canada ahhin tips ipeknak ram a si i, mirum/ million in a ngeimi paoh nih tip an pe hlei lo. Tip a pe mi ahhin sifak/student a si liomi, a Phaisa bawm ah Phaisa a um chun te khawmsuat zong in a pemi an um ko. Midang caah thil ttha tuahnak hi lungput ah aa hngat.

Image result for pu ngun san aung

Hakha inn hmun le tenders caah Bawi ttuan dingin Ralkap nih von thim cu Casino ah lottery poh bantuk a si nain, minung tampi nihcun miphun le ram dawtnak in an ttuan duh lo nain, Phaisa le sinak lawng a ruatmi Pu Ngun S Aung caahcun tting-tthi poh a si ko. Soiselnak cu a caah tthah seh tluk hmanh a si ti lo. Lairam ah mirum tampi an um i,

Image result for hakha cdm

An Phaisa ngeihmi cu an zal ah tam chin chin in an khawn lio ah, US. Malaysia 🇲🇾 or India ah hlawhfa chawm tein a ummi nih a ngeih chun Phaisa cu, miphun le ram caah a pe viarmi mino an um ko. Cucu lungput ttha ngeih ruang ah a si. Tihzah, upat hi rumnak le thiamnak ah a um lo. Lungput ttha ngeih le midang caah peknaknak, lungput ahhin a um. Credit: Zasang Cinzah.

Thawngpangchia:Apoi chin lengmang ko cang, Aung San Suu Kyi cu kawlralkap nih case dang in sual an phawt tthan cang. Tutan case thar an chapmi in Aung San Suu Kyi cu case pahnih angei cang tinak asi. Tutan ah Aung San Suu Kyi sual an puh tthannak case hi Covid zawtnak khamnak phunglam he pehtlaiin sual an phawt tthan. Atu phunglam hi khuacaan konghe pehtlaiin phunglam tuahmi section 25 nak hmangin a si.

Tuan deuh ah Aung San Suu Kyi cu chawnh biaknak thilri, permit um loinn aa chiah ruangah export and import law hmangin sualphawt arak si cang. Tutan ah sual an phawtnak case konghe pehtlaiin Aung San Suu Kyi nih zeibantuk phunglam khoika zawn dah akalh timi tucu an langhter chih lo. Asinain thimnak tuahlai Campaign hrawnghrang lio asi lai tiah an zumh.

Kawlralkap nih sual an phawtmi cungah apalh ko tiah biachahnak an tuah asi ahcun Aung San Suu Kyi cu kum thum chung thongthlak khawh asi. Nizan ah khan Suu Kyi le President U Win Myint cu video hmangin biaceih hram an thok hna i, March thla nikhat ah khin an bia an caih tthan hna lai. Suu Kyi case dang an pek nain president tu cu pek chap asi lo tiah an langhter.

 

Be the first to comment

Leave a Reply

Your email address will not be published.


*