PROPHET MIMI SIN AH PATHIAN NIH THEIHTERNAK APEK MI

Pathian nih biathli a ka chimh tiah tuan lio zongah arak chim phuang cangmi le thawngzamhnak zong nih ton biaruahnak an ngeih cangmi Mimi tiah zapi nih kan theih dih cio mi nih achimmi asi. A cabia hi asau deuh caah a tawifian deuhnak a biapi deuh mi tete tu in kan vun langhter lai. Mimi nih a chimmi chungin abiapi mi hna cu atanglei bangin an si.

Coronavirus zawtnak tlangrai a rak rat dingmi konglam hi Pathian nih a rak kan chimtermi ruangah a rak ka theithiam lomi tampi an rak um. Aliamcia March thla ah Real Life nih an rak kan ton lio ah ka rak chim cang bangin hi zawtnak tlangrai hi sualnak in akhatmi vawlei tharchuahnak dingah Pathian hriamnam asi i, Sual hlawt in amah sin ah kan kir ahcun Pathian nih a kan damter tthan ko lai.

Tuthla August thla hi phundang ngaingai mi asi lai tiah Pathian nih theihternak a ka pek i, August nikhat ah khan Thlarau ah ka nau asimi Pi Lalthai Fanai tein ah Pathian riantu hna he thlarau nih a kan tlak hnu ah ka chimmi asi. Ka lawmtuk hringhran Pathian cu thangthat si ko seh. Hi thil hi adihlak cun Cauk ah ka ttial dih ko. Asinain chim dih awk atthat lo caah atlangpi in ka vun chim lai.

March ni 18 chunhnu suimilam pahnih ah khan Jeremiah Caanghnih le Luke 1:34-38 ttialmi ka hmuh cu mitthli he ka rel. Sual ngaihchih in Pathian sin ah kirtthan nak dingmi aka chimh i, Cu hnu ah kan ram le India ram ah thanghnak a chuak dingmi ka hmuh. Hi lio ah hin Sii arimi bantuk in ka taksa vialte a khong dih. Asinain ka thinlung cu a fim dih ko.

Cinema zoh bantukin thil ara lai dingmi hi arak ka hmuhter i, Pathian chiti thuhmi kan ram le miphun bantukin kan serchuah i, vawleipi huap in Pathian nih a kan cawisan dingmi vialte hna cu a ka hmuhter i, a sunglawi tuk hringhran khi asi. Aka hmuhter ning cun mahtein khuakhan lairel Indepent Nation bantukin Anointed Zo Nation-Mizoram in kan dir.

Cuticun Pathian chiti thuhmi Mizo Nation cu vawlei caandongh ah hin Pathian sunlawinak caah Vawleipi hual in cawisan le langhter kan si i, Kan mah ruangah minung tampi hna cu Pathian pennak ah rak i telve an duh i, an rak kan fuhpanh hna. Pathian nih aka hmuhter bangin March ni 26 ah khan Sialsuk Tlangsannak hmun ah Profet Kawlha hna nih ram caah philhlonak Lung an rak phunnak ah AZN hna nih Ram an dih cang timi aa ttialnak lung cu kan va phun.

Pathian nih aka hmuhterning cun kan ram i hruainak hi aa thleng cang lai i, atulio hruaitu hna hi atu pin cu an rian an ttuan ti lai lo. Hruaitu a si ballomi Pathian minung an rak chuak lai i, an tunmer lai. An mah nih cun Pathian chitithuh mi miphun kan sinak bangin khuakhan lairelnak an kalpi lai i, Pathian a zumlomi hna kuttangah kan kun ti lai lo i, India ram in zalonnak Independent Nation a si.

Hihi a hlan pasalttha hna nih biatak tein an rak ttuanmi asi i, Cucu Pathian chitithuh CM le a miphun huap in lungrual taktak in kan tuan lai i, teinak cu Pathian nih aa kan pek lai cang. June thla hramthok ah Pathian nih aka hmuhtermi chungah hin vawlei cung ramtthawng tiah timi US arawhnak nak ding kong zong aa tel. Pathian an mertak tuk ruangah thinhunnak fak piin an ton cuahmah.

A ralaimi November thimnak ding zongah hin khuakhan lairelnak aa thleng lai i, an ram zong a buai chin lengmang timi hi Pathian nih aka hmuhter chih tiah a chim. Hi thil hi Vawleipi caah thlalang asi lai. Pathian ruangah cawisan, ropui, rumnak hna zong Pathian an mertak ahcun chuhtthan le mualpho in an um tthan kho timi langhternak le caan dongh lai kong Bible chimchung mi vialte atak in a tlinnak asi. Hihi atu caan ah hi vialte hi ka langhter rihmi asi i, Kan theih dingmi cu zeipaoh hi Pathian kut ah a um dih. Theihternak le chimchungnak zong hi amah kut ah a ummi asi. tiah attial.

Note: Acunglei ah kan langhter cang bangin adihlak in vun ttial ahcun asau tuk ding asi caah a tawifiannak tuin kan vun langhtermi asi. Amah ttialning tein zoh le rel aduhmi caah hika hi voikhat in hmat law relkhawh asi