PRESIDENT AH BIDEN A TLING TIMI HI LIH CIKCEK BAK ASI

Joe Biden president atling timi hi lih bak asi. Hodah US president thimnak ah teinak a hmu tiah biahalnak tuah usih law mi tampi nih cun Biden tiah lehnak tuah asi lai. Aruang cu Donald Trump a huatu hna hi media pawl an tamtuk caah a si. Media hna nih Biden nih teinak a hmu tiah an ti caah asi. Asinain US president thimnak phunglam hi thatein tuah mi asi i, theihlomi lengah chuahter lomi zong tampi a um ti asi.

December ni 14 ah US President ding cu mipi nih an thimmi Elector hna nih vote an thlak lai i, cu ahcun vote 270 a hmumi lawng kha president asi lai. Hi hlan ah thilthar tampi ai thleng nawng khomi zong asi rih. Aruang cu thimnak vote kongah ningcang loin thil a um caah Biden zong hi a dirhmun ai thleng kho mi asi. Pakhat a um rih mi cu Donald Trump teinak ka hmu lo tiah chim sehlaw cu Biden hi aciasa bak asi lai.

Ka sung ko tiah Trump nih thanhnak tuah sehlaw state kip nih an vote cerify an tuah lai i, Elector hna nih December 14 ah phungning tein Joe Biden cu president ah thimnak an tuah lai i, Jan 20 ah sinak pek asi cang lai. Sihmanhsehlaw Donald Trump nih tutiang ah ka sung tiah kakhat hmanh a chim rih lo i, Court ah thil sining akalpi cuahmah lio asi. Court nih ningcang lo zeihmanh a um lo an ti ahcun Biden hi teinak hmu cu asi lai.

Tulio Donald Trump lei hna nih thilsining an chimmi le an kalpi mi zoh tikah 12th Amendment hmangin Trump hi adirhmun athatnak zong tampi a um ve. Tutan thimnak ah adik lo tiah an timi chungin tehte pakhat cu Electronic voting machine hi a si. Hihi Mainstream hna nih a chiatnak an langhter duh lo. Nain One America News nih fiangtein a phuan Hi voting system seh hi ning canglo in aummi asi.

Aliamcia kum 2016 ah khan vote pekmi 62% cu Donald Trump i arak si i, Clinton cu vote 4000 in a rak tei. Kumli hnu ah hi county bak ah Joe Biden nih vote 3000 renglo in ahmuh mi hi khuaruahhar ngai asi tiah an chim. Lunghrinhnak in an um. Postal ballot an vun rel ah Donald Trump vote 6000 bak Joe Biden caah akal timi an theihnak kong cu Chanel Rio nih alanghter.

Hi zawn ah Ronna McDaniel nih press ah a chimmi cu mah County ah ningcang in an tuah maw tuah lo timi cu a fiang ko, Mah county lawng ah asi lo count 47 bak ah software hi hman a si timi kan theih tiah a chim. Dottletnak tuah an timh nain Michigan Secretary of state Jocelyn Benson nih zeihmanh ahau lo, Computer software siloin rianttuantu hna palh asi tiah fiang tein a chim.

Tutan deuh zongah Trump legal team hna nih press ah ningcang loin thil a umtu ning vialte an phuan dih cang. Tutan ah Joe Biden nih teinak ahmuh tiah thanhnak officials nih an thanh hlan ah ahman dingmi tangka zong zeimawzat nawl an pek cang. Asinain a cung chimcia bangin Biden hi official in teinak a hmumi asi rih lo tihi theih ahau. Trump zong nih akhelthel aleh khawh mi asi. Arauh hlan ah fianternak tuah asi lai. Credit: Johny Thang

Be the first to comment

Leave a Reply

Your email address will not be published.


*