POLITICS AH KA SOISEL HLAH UH TI CU A UM BAL LO: SALAI TIN MAUNG WIN

Politics ah ka soisel hlah uh ti cu a um bal lo. Politics luh cang ahcun a pakhat nak cu policy,a pa hnih nak cu nunning ziaza.Ziaza a that lo ahcun zumh awk a tlak le tlak lo pumpak (personal attack) doh a herh cang.Tulio politics thlihran zoh tikah soisel (criticize) hi ka celh bak rih lo.Celh lo ruang i nangmah tah miphun caah zeidah na tuah khawh timi comments pawl hi ka nih chuak bik.

A ruang cu kawlram le chinram ah minung pathum te lawng i ukter i thanchonak kan tuah lai ti tiang lawng an cuanh khawh mi khi a si. Thanchonak cu mipi kan zate rian a si. Miphun dawtnak kong chim paoh ah kawl huat (racist) thlaici an tuh an ti.Kei cu miphun dawtnak kong ka tial ahcun lung tiang tein a si ko.

Huatnak biafang ka hman zong ka thei lo hih. Miphun kong chim poah ah Racist tiah a ruat mi a lungthin tu ahkhan racist asiloah chungthu lengnal hnawm a um caah a rak si deuh lai tiah ka ruah cang ko. An rian tuannak kong soisel ah le thangchiat an ti than.A dik lo mi cu soisel ding bak a si.Jesuh zong nih a dik lo mi cu “Mi depde hna, chungthu lengnal hna” tiah a soisel bak ko hna.

Dr. Ngun Cung Lian sinah kawl media nih interview an in tuah tikah ho mithmai zong na zoh lo mi hna hi a tha ngai ka ti.Mi mithmai zong ding ahcun an sal kan si lo.An rawl kan ei lo.Kan rawl kan ei.Kan chim duh mi poah cu chim awk a si ko lo maw a ka ti. Mithmai kan i zoh tuk nak ah lam tantim tiang lawng,lamtluan dongh pi tiang kan phan kho tawn lo. Politics luh cang ahcun soisel te hna cu tih ding zong a um lo. I fahsak ding um lo. A dik mi cu tanh ding, a dik lo tiah ruahmi cu soisel ding a si ko. Politics a lut mi nih ka soisel hlah uh ti cu ka theih bal lo mi a si. Credit: Salai Tin Maung Win

Relchih:Miphun Kong Ahcun Kei Cu Kapa Keneh Ka Zulh Peng Lai. Miphun hram bunh in dirhmi CNLD Party cu vote pek dingah a caan cu rih lo timi cu ram vaih i kah ding sa hmuh ko nain kah dingah a tuan tuk rih tbt he aa lo i sullam a ngei lo.Tulio kan kawlram politics dirhmun cu khan zong hawt pah i sa zong kah pah kha kan i timh awk a si. Miphun party kan thazaang thawn ahcun Peace process lamtluan i Federal democracy hmuhnak dingah tlangmi hriamtlai hna he khan hawt ti khawhnak caan rem kan ngei kho.

Hi hi Chinram NLD nih i tel khawhnak Zero chance zong an ngei lo.Cun CNLD nih Chinram thanchonak ca i sa kah awk ah kuanfang policy tha tha kan ngei thiam thiam.Kanmah nih kan sermi policy in thanchonak riantuan hi kan miphun rian zong a si fawn. Tlangmi nih Federal democracy policy kan duh i NLD nih democracy federal policy kal pi an timh.Kan policy tungvang zong ai dang.Timhmi zong ai dang i hnuhmai zong ai kalh.

Ralkap nih 2008 phunghram in a kan uk.NLD nih an party policy in a kan uk chap.Bianabia ah kan ramri vennak kongah NLD policy an ngei maw?Chuh ding policy dah an ngeih ti lo ah nai kan tawn cang. Hi bantukin policy ai dang tuk ko mi ah kawl an policy tang an hni karlak ah kan va luh duh?Zeiruang dah lungfahnak hi kan ngeih khawh hrim lo?Cozah a ser kho ding party he kan i fonh lawngah ram thanchonak kan tuah khawh lai timi cu tlangmi kan duhmi policy rak si seh law dothlennak le politics zong kum (70) chung tuah awk a um tung lo.

Hi bantuk ruahnak a ngeimi cu business lungput a ngeimi,mah miaknak lawng a ruatmi an si.Miphun kongah dirhmun an ngei lo i anmah miaknak a si ahcun ralkap he zong an tuan ti ko lai. Miaknak an hmuhmi khan mipi harnak an ton tikah bawmhnak an va pek than hna lai i mipi nih hero khamhtu miphun daw ngai ah an ruah than tawn hna, Cucu Kawlram mirum pawl khi zoh hna uh! An zia a si.

Ralkap cozah an duhmi phunghram le kan duhmi phunghram ai khat lo.Hi kongah dothlennak tuah a si.NLD party policy le tlangmi duhmi policy ai khat lo.Hi ruangah miphun party CNLD dirh a si.Hi kongah party politics in doh a si.Cucaah mipun Party CNLD nih aa khinhmi rian hi kum (5) ca lawng a si lo.Hmailei hmailei techin fapar chan tiang miphun dawtnak thlaici a tuh mi zong a si i Chin miphun a um chung poah a hmun lai.

Chin National Day (CND) ni cu ramuk bawi uknak in Chin mipi nih thimmi hna kutah khuakan lairelnak nawl um cang seh tiah hnatlaknak an tuah ni a si.Kawl cozah le Kawl Party sinah nawl an pe hna lo.Chin mipi le Chin cozah sinah nawl ngeihnak an pek mi a si.Ka pa Sang Vung (Leitak Ramuk Bawi) hi CND ni kongah min a thu ve mi a si. Cucaah Keimah le ka fa le ka chungkhar nih cun ka pa keneh a si mi Miphun party le miphun cozah lawng hi kan dir pi peng ko lai. Credit: Salai Tin Maung Win

Be the first to comment

Leave a Reply

Your email address will not be published.


*