NLD LE SUU KYI KAN DUH LONAK BIK A RUANG: CNLD JOHN THAWNG

Pi Suh le a party NLD kan duhlo naksan.Ahmai sabik ah Kawl miphun pawl ih History mallai kan zoh ta ding.An siangpahrang sanlai ihsin tuini tiang mah le mah that aw rero, Lal duh ruangah sualnak neilo nauhak rak that rero tu Anawratha vek , an kawlram ( Tlangram pawl tiamlo) sung hman ah Ram khat le Ramkhat doaw rero, Unitary , သက္​ဦးဆံပိုင္​ ဘုရင္​ စနစ္​ thawn rak ukaw mi ansi.

Curuangah 1st Myanmar ngaingngandaw ihsin 3rd Naingngandaw tiang History ah kan zir. Innwa Khit, Ngiauang Yaan Khit, Kone Boaung Khit tivek an nei cel cel ih rak doaw rero Phunhnam pakhat an rak si ve.Colony san a si ih Gen Aungsan le Galong U Saw tin an buai .Ralkap san a si ih Ralkap le EAOs, Ralkap le NLD.Tlangmi EAOs pawl hi Gen Aung San ih thukam Panglong Agreement pawhbal a si ruangih buainak ihsin an ra um ve fang.

Democracy lawng in equality Kawlram ah a hring suak theilo ti an hmuhsuak hnu ah Meithal an kai ve fang. Hlanlai Kawl siangpahrang san lai ah EAOs ti a um dahlo. Ram nei ciar kan si.Party san a rung si ih NLD vs USDP tizawng in an doaw lala.Aung San Suhkyi hi ziangruangah kawl mipi in an dinpit ciamco naksan?

Pi Suh ih tumtahmi Remdaihnak , National Reconciliation a timi ah EAOs vs Ralkap silo in Ralkap vs NLD a rak si sawn. Silo sela Kaalung Council ah ralkap pawl thu el in , kapaw lo dingin a kham ringring ding.Thu a peban hai lo nan ( vote in an sung thotho ) National Recouncialiation a duh taktak len Ralka pawl kha EAOs pawl va kap hniai hniai lo dingin Kaalung Council ah vote a pek thu pawl, Kaalung Council ah khal Ralkap thu a do ngam zia mipi theih in a puang tengteng ding.

Ziangtik ah si National Defense and Security Council ah Tlangmi EAOs thawn pehpar in Pi Suh in ralkap pawl thu a el dah?Public theih ding ih ralkap a dothu rel hlah AA an kah lai ah Ralkap pawl lamlam mipi theih in a va lawm tluai tlo rero kha. Aungsan Suhkyi ih Peace Process” cu an mah kawl le kawl , NLD le USDP ( Ralkap ) remawknak sawn a si tihi mipi in kan theih a poimawh tuk. Himi hi kawl pawl thluak ih um, tlangmi pawl ih kan kaih banlo thuruk , Aung San Suhkyi ( a party nld silo , a mai personal ) le Ralkap lak ih thuruk tla asi thei ,tin kan hmuhthiam a poimawh zet ding.

Kawl pawl cun an miphun karlak ih remdaihnak a tuah tumtu cu an dinpi ve simai. Kawl mipi cun Ralkap kan huatuk anti nan ICJ ih kawl ralbawi hremnak a pek ding ah an dinpit thotho, Pi Suh ih thawk in, A silen ziangtik ah saw NLD in Dictatorship a do dah?88 Sanlai ah NLD maw Tlawngta pawl saw Democracy hrang nunnak pe ih Dictstors rak do tu? Tlawngta an si kha.

Tui NLD ih hmanmi Flag Myanmar Union Student Council ih taa maw NLD ih taa sawn saw? Student Council ih flag a si kha! Tu naite ah Student Council in an run phuang lang thlang ih NLD Party in simfengnak a neih tengteng a tul ding. Tlawngta vs Ralkap (88) tin a buaizo . NLD vs Tlawngta tilam zawngin a buai ding aphan um.Myanmar ram cu Democracy ram ih can tertu kha Daw Suh lamlam an puh, USDP ihsin U Thein Sein a si tluaitli kha!

Kawlram Pumhuap Kahdaihawknak , Leitlunpumpi theihpitmi cu Nationwide Cease Fire Agreement- NCA antimi lawng arak sidah. Cuihnu ah 21 Panglong tivek UPDJC tivek Peace process pawl an ra um thei vefang, NCA lamzin zawh phah hnelhno in. Cui NCA cu zawi sanlai ih tuahmi saw? U Thei Sien a si tluaitlo lala kha!Asile , Kawl party le Daw Suh in Kawlram hrang ziangmi saw an tuah ?

Kawl hi mipum tambik an si ruangah an Democracy Hero cun Kawlram ah Democracy or Real Democracy a sualpi ding cu a mai hna siko. Kawlram hrangah cun Federal tello Democracy, Mitamsawn thuneihnak cu Kawl miphun hrang ah hun tha tukah! Culo hnadang Pi Suh le NLD in an neih nawn uallo. CNLD party hrangih Vote hawlnak lawng silo in Chinmi kan zate hrang ih rel tlang a cu tuk zo ruangah Pi Suh ih Kawlram hrang a political stand hi Democracy sualsuak tu ding le Remdaihnak tuahtu ding ti ah mipi zate in kan rak ringdah zo tisela a sual lo ding.

Cui a mai political visions pawl cu amah le a party ih Ral, USDP in a tuah khelh hleuhli tik ah a hrangah Political Stand neilo vek ah acang.Cuvek ruangah a ral USDP ih relmi pohpoh cu Tlangmi hrang a sia le tha khal thlei dang duh nawnlo in a Lallai ah Democracy hmangthiam zet in Parliamnet ah a cancel sak zel. Cumi lak ah Article 261 atel. Cumi umzia cu ” Kawlram pumpi hi nan nih Ralkap USDP kut sung ah reipi a um zo , tu kan party NLD kutsung ah um thlang seh, nan nih USDP pawl in khoptawk in Tlangmi pawl nan ei tet zo.

Kan thu loin Tlangmi pawl cu kan kut sungin an zalen cuanglo ding” timi thawn a danglamnak a umlo.NLD hi Democracy ngahding hrawng lawng tumtahnak nei a rak si maw titla kan ruah a tul .Si ee! NLD hrangah cun Democracy timi hi Majority Influence zawngih a hman thiam tikah kan Chinmipi pawl tiam in Tlangmi a tamsawn bawmnak thawn an Party ihsin an Kawlmi a Lal hngehnge si! An Lal parah Lalber a to hngehnge si.

Kawl party kan ti reromi NLD hrangah cun 261 vek Federal Lamzin cu a do lawn, Democracy ih a hmanthiammj Majority Influence , mitamsawn lalnak kha Federal lamzin khamtu 261 an rem a si len a subal thluh ding si. 1) Curuangah Chin Party in NLD ih Policy le a minung Daw ASSK silo in Daw ASSK ih policy hi kan duhlo ruangah kan do asimai.

Pahnihnak. Curuangah Chin Party CNLD cun Democracy lawng kan duhtawk lo, Federal Democracy kan duh ka ti rero naksan asi.3)Curuangah Tlangmi le Kawlmi kan buainak , EAO vs Kawl Ralkap , Kawl Parties vs Chin Party tivek pawl hi Federal kan ngah lo ruangah Democracy Cozah NLD san lai khal ah buainak a dai theilo , a pung deuhdeuh sawn. NLD Cozah ih Real Democracy Federal silo in Federal Democracy sawn hi Civil War ti daiter tu ding tin kan aupit rero.

NLD le Chin Party CNLD ih Chin Miphun le Ram hrang policy cu hitawk tak ah Lei le Van vekin a dangaw viarviar zo! A voi hnihnak in , ” Kawl le Kawl doawk reronak , sumpai cuhawknak politic men a si hi !” Nang le kei cu mibuainak ah va hrawlhlut aw duh lo in, Chin Miphun le Ram hrang ah Chinmi le Chinram ih hrinsuakmi Chin Party cu kan sunawih ding hrimhrim asi. Vote lawng ih duhtawk loin kan dinpi teng teng ding asi.

Kan Ramri, Kan Calai , kan nunphung, kan zalennak le kan tesinfa pawl ih thansohnak pawl rak dodaltu cu ziangvek miphun an si khalle, ziangtluk in Democracy lem cuang le Meithal lem cuang pawlkom an va si khalle thihngam ih rak do ding cu kan Pipu pawl ih Thucah Roling khal asi .Hlanlai Chin Pipu pawl cun Sahrang le Ral lak ah an nunnak thapin in kilhim, Ramri an nei, Thuneihnak khal an nei.

Thuanthu mawite ngantlang kei uh Note : Kawl Party ka timi ah NLD, USDP, Ralkap = Kawl. USDP ih Politic cu a thizo, Dicatorship ansi, Democracy Ram ah an politic cu a thizo. Rel a tul nawnlo ruangah ka ngansak duhlo men. USDP hman tluk lo in Rampi ka tungding ding ticu a feuhlo nasa. Federal Democracy cu kan zate ih dinding a rak si sawn.CNLD. Chin Tualto Party dinpitu John Thawng