NLD ANGKI CAWKNAK AKA CHIM KHOMI NAN UM MAW

Rampumpi hi NLD nih term khat cu hruai rih ko hna seh law ti ka duh. Keimah pumpak le chungkhar in siseh, kan khua te kong in siseh ka zoh in ka ruat lio ahcun NLD hi ṭanh ding le tlaihchan ding a um hrim lo ti ning law ka palh lai lo, a ruang chim ahcun chimh ding tampi ka ngei, sihmanhsehlaw ka chim duh lem lai lo.

Asinain Kawlram pumpi le kan Chinram te zong a ṭhancho ve cang ning le kan hna a ngam ve cang ning hna ka zoh tikah NLD cu ka ṭanh lo kho hrim lo. Mi cheukhat nih NLD an doh i an soisel an thangchiat len khi ka hmuh tawn tikah kei cu ka tuk a sum ngaingai tawn, fak deuh in kan chim ahcun mahhngalh lo nun a si ti tlukin ka ruah, Chinmi nihcun NLD hi a soisel ngam ding kan si rih hrim lo. Bawmhhalnak. NLD angki a ka ṭhenh kho nan um le a cawknak a ka chimh kho nan um ahcun kaa lawm ngai lai. Vote NLD 2020, Van Bik Sawmhal.

Relchih Hmanh:NLD nih cun zeitluk rian an tuan len zongah thleidannak kan ngei lo tluk cio tein mipi kan bawmh hna khuakip bawmhnak kan pek hna i a za timi equality kha biapi an chiah lai. Minung pakhat cio kan dirhmun kha an zoh ti lai lo. Mirum an rum chin lai, sifak kan si a fak chin lai. CNLD nih cozah an tlaih si cun tluk cio tein kan bawmh hna timi lawng kha an tuak ti lai lo, mi pakhat cio dirhmun an zoh lai i tang a ummi kha an dawp cawi lai.

Mi pakhat a dirhmun biapi chiahnak (equity) he rian an tuan lai. Mi niam pa zong mi sangpa he an dirhmun aa khat lai. Sifak le mirum kan dirhmun aa khat lai. Mi hmuh kan hmu ve cio lai. Cucaah cun mi hmuh hmuh ve, mi theih theih ve na duh ko si cun CNLD vote rak pee By Tluang Ceu Thang

Be the first to comment

Leave a Reply

Your email address will not be published.


*