NAN DUH PAOH IN VP PU HENRY VAN THIO RAK TI HLAH UH, BY SAYA THAWNG

Kawlram Vice President Pu Henry Van Thio hi nan duh paoh in rak ti len hlah uh. Nanmah kanmah nak in Chinram siseh Kawlram pumpaluk caah rian attuanmi le thil a tuahmi asi tihi zeitik hmanh ah philh hlah usih. Nai hrawnghrang Social Online ah fake account hmang in ninghngal deuh nih VP Pu Henry Van Thio soiselnak kong achimmi nan um pah hna.

VP Pu Henry Van Thio hi Chinmi chungah amak atlukmi hohmanh kan um rih loh tihi zeitik hmanh ah philh hlah usih. Kawlram chung a cawlcanghnak vialte hna khi nan hmu lo maw? nan mit maw a caw? Chinram or Lairam, Laimi asi tiah kanmah ttanghma lawng zoh in kan ti ding asi. Kawlram pumpi VP a si tihi philh hrimhrim hlah usih.

Chinram or Lairam caah abiapi taktak mi amah thawng lawngte in asi tihi theih hrimhrim hau. Cu ve bangin Kawlram pumpaluk ah abiapi mi thil kanpu VP Pu Henry Van Thio nih hmukip kaa kip ah atuah ti zong hi kan theih ahau fawn. Chinmi Laifa cu a si bak ko. Asinain Chinram ca lawngah VP hi rian an ttuan lo timi zong hi theih chih rih attha.

Kannih Laimi nih kan thangchiatnak le kan soiselnak hi a tenau tukmi asi. Khuate pakhat le pakhat karlak ah lam atuah lo hei ti, Cukaa khua ah Ti an harh nain atuah lo hei ti, cuka khua ah sianginn an duh hei ti, VP a rian hi Laimi a si ruangah Chinmi or Laimi calawng ah rianttuan ding a si lo. Kawlram chung vialte caah rian attuanmi asi ti zong hi philh hlah.

Chinram chung thil sining cu Chinram cozah nih an tawlrel dingmi le an zoh khanh dingmi thil asi. VP cu Chinram chung ca lawngah rian attuanmi asilo. Kawlram State vialte caah rian attuanmi asi. Chinram ah aharh baumi a chanbaumi an um ahcun CHinram cozah santleih lo asi tihi philh hlah usih. Mah le ram cu mah le cozah nih tawlrel dingmi asi cuh.

Kawlram Vice President cu kanmah Laimi asi aipat tiah ahmete mithil thaithawh zanriah kong tiangin amah nih tawlrel seh ti cu a phung hrimhrim asi lo. Mah le ram kilvengtu or zohkhanhtu ah hruaitu lutlai an um dih hna i, anmah nih an zohkhanh in an kilven hna dingmi khi asi cuh. Zeicaah Chinram Chung CM le hruaitu hna nih hmundang State khi tawlrel dingmi asi lo.

Mah le khuaram te kha an zohkhanh dingmi asi cuh. Chinram chungah a chanbaumi a um ahcun Chinram cozah santleih lo asi cuh. Kawlram VP pi asi konain CHinram zeitluk indah a hnakkar atanh? Hi vialte kawlram chungah VP nih Chinram caah rian attuanmi hi upat tlak taktak asi lo maw? Ziah thangthat loin kan soisel ngam. VP mawh asi maw silo timi zong hi ruat uhcaa.

Chinram ca lawngah VP asi lo hih, Chinram ca lawngah rian attuan dingmi asi looh hih, Kawlram pumpi vialte caah rian attuanmi VP asi cuh. VP nih Chinram ahnakkar atanhtuk nak ah zeidah atheipar biapi kan hmuhmi asi timi zong ruat ucah, Chinram caah arianttuan mi hi aho Laimi nih dah an ttuan khawh i, an rak ttuan bal? Rampi huap VP rian hi zeitluk indah aharsat lai i, rian zeitluk indah attuan lai i, alungre atheih lai timi zong ruat hna usih. Sualphawt dingmi minung hi an sining le an rian hi thleiden thiam ahau cang. Aharh le ka pehtthan te lai. Ka Lawm. By Saya Thawng

Be the first to comment

Leave a Reply

Your email address will not be published.


*