MIN AUNG HLAING CU LAWMHNAK IN PEI A KHAH CANG LAI HI

Ralkap nih uknak an lakmi hehchat tiah minung tampi nih duhlonak an langhter cuahmah lio ah ralkap dirkamh in lam a zawhmi an um ve hoi cang. Rakhine ah ralkap cozah dirkamhnak in minung tthenkhat lam an zawh ve cang. Tuchun thok in Rakhine State ah minung tthenkhat hna cu ralkap dirkamh lonak hoih in mipi lam an zawh cuahmah lio caan ah minung tthenkhat cu ralkap cozah dirkamh in lam zawhnak an tuah ve cang.

Image result for naypyidaw protester 2021

Ralkap cozah duhlonak langhternak lam zawh cu Rakhine ramkulh Guah, Tandwei khuapi tuah hram an thok. Hi khuapi ah tuzing zinglei suimilam pakua hrawng in duhlonak an langhter. Mipi nih an aupi mi cu ralkap cozah kan duh lo, fimnak a cawngmi hna an hmailei lam a hrawh tiah catar an i put hna i, cuticun minung thongkhat hrawnghrang nih ralkap cozah cu an doh hna.

Image result for naypyidaw protester 2021

Culawng siloin Guah khuapi ah minung thongkhat hrawng nih motorcycle hmangin khuapi cu an vel i, ralkap cozah cungah an lungtlinlonak an langhter rih. Cu ah cataar an i putmi cu ahohmanh zung kai hlah uh, na zungkai mi i ngol dih uh tiah an langhter lulh hna. Hi konghe pehtlaiin Rakhine cu kawlralkap le Arakan Army hna biatak tein kumpi kum hnih chung an rak i phomhnak ram asi.

Image result for naypyidaw protester 2021

Rakhine ramchung ah kawlralkap cozah nawlngeihnak uknak an lakmi biatak tein an doh cuahmah lio caan ah Kawlralkap dirkamhnak hoih in mipi lam zawhnak atuahmi an um ve tthan. Sittwei khuapi, Nandra Budhist pathian biak inn hrawngah minung sawmthum htawng hna cu lam zawhnak an ngei ve i, cu hna nih an langhtermi cu ralkap cozah hi kan dirkamh tiah an ti ve.

Image result for naypyidaw protester 2021

Culawng siloin Taung Koh Township zongah ralkap nih uknak an lak hnu ah khuakhaang laireltu ah an lak or an thimmi Rakhine State Administrative Council Chairman an dirkamhnak zong an tuah ve i, cu ahcun minung thongkhat hrawng nih lungtlinnak lam an zawh cang ti asi. Ramchung minung tampi hna nih ralkap uknak lakmi an doh cuahmah lio ah minung tthenkhat nih ralkap tu an dirkamh ve hna. Hi thil hi tutiang rih ahcun Rakhine chungah a cang tiah theih asi.

Be the first to comment

Leave a Reply

Your email address will not be published.


*