MI HLENTHIAM NUNGAK MUIDAWH JENIFER CU AI THAWH VE

Mi hlenthiam Jenifer. Times of India news a rel balmi nih cun a donghnak page 6 hrawng hi cu matrimonial kong lawngte asi cu theih cio asi. Life partner/nupi pasal kawlnak catlap asi. An sining tampi le an duhmi nungak tlangval phun an phuannak asi i, bia dang in chim ah cun nupi pasal ding caah an I zuarnak hmunpi asi. Cu ve bantuk in Voikhat cu nungak tlangval hawikom I kawlnak puai pakhat a um i, lucky ticket bantuk in zuhmi nungak tlangval he khan i hawikom ding asi i, cu ah cun nungak Jenifer cu aa thawh ve ti asi.

Puai an thawk lai te ah announcer nih nungak tlangval min vialte cu a van phuan dih i, cu chung in zuh khawhmi nungak kha hawikom ah iser ding asi. An mui I hmuh chung khawh asi lo caah an min in an sum an tah hna. Tlangval pawl nih zuh khawh an duh bikmi cu Jenifer asi ti asi. Tlangval pawl mitthlam ah cun nungak Jenifer cu muisam tungtai le pumrua dawh tling in mitthlam ah rak cuanter cio asi i, hmuh le ngeih an duh bikmi nungak pakhat ah a hung i chuah.

An result phuan ding cu a thla in rauh ding asi caah mi nih taza cuai lai venhimnak caah ticket zuhnak an tuah hlan ah hman an thlak hmasa hna i, an office file ah ttha te in an fim hna hnu ah ticket zuhnak cu an tuah. Tlangval thong tampi lak ah mi dawh le mi pumrua ttha Lewis nih Jenifer nungak cu a zuh khawh. Tlangval Lewis cu a thla thla in nungak Jenifer mui hmuh lai le ton lai lawng chun zan in a ruah ti asi.

An phunglam le biatiam bang in nungak Jenifer min a zuhtu pa min zong kha Jenifer cu theihter asi ve. Ni le thla cu saduhthahnak nganpi he a van liam thluahmah i, a thlathumnak October 31th ah result phuan ni a hung phan. Ruahchannak, saduhthahnak, le mitthlam tampi suai in muidawh tlangval Lewis zong cu nungak Jenifer cohlang ding in thilthuam ttha le media tampi he vawlei pi theih min cuang ding in an rak pok ve.

Cu ticket zuh ding a rak chuakmi tlangval pawl nih nungak Jenifer hmuh le zuh khawh an rak duh bantuk in nungak pawl nih hmuh le co an duh bikmi cu tlangval Lewis a rak ve. Nungak tlangval pawl cu puanzar phen ah khumh an si hna i, a chang2 te in an itonter hna i, Lewis le Jenifer kha mi nih hmuh duhbik le co duhbik an rak si caah hnu bik ah ropui tak tak in ton ter an timh hna.

An hlan I aa tongmi nungak cheukhat cu lasi/vanmi an lo ti tluk in an I dawh ti asi I, tlangval cheukhat ruahnak ah cun nungak Jenifer cu a min hmanh hi tluk aa dawh va si kaw ti le nungak pawl nih Lewis hi zeitluk muidawh dah a va si hnga ti biahalnak lawng hi theih an duhmi asi ti asi. Caan cu a van kal thluahmah i, anmah pahnih lawng an tang cang i, mi nih hmuh le theih an duh bikmi an si hna caah Jenifer cu puanrang hmai khuhmi he an rak chuahter i, Lewis zong cu suit le necktie rang le puanrang hmaikhuh he a rak chuak ve.

Mipi au aw nih “Jenifer3″ tiah an aunak awthawng cu vawleipi theih dih deng in a thang ti asi. An puanlu hun piak ding tiah announce an van tuah i, mipi aukiou thawng nih van hram a deng i, an van hun piak hnu Jenifer aa dawh loning lungrawhnak le ngaihchiatnak aukiou thawng zong nih van hram a deng ve ti asi.Ka chim duh bikmi le ka tahchun duhmi cu kawlram thimnak tuah hlan mipi nih NLD political reform tungtlang le reality hmuh lai kan rak i ngaihning le tuchun kan tonmi kong hi asi.

Thimnak tuah hlan campaign promises, slogan, le article 261, le media zalennak kong puanlu an van hun bak hin cun nungak Jenifer an hluan ka ti. A ngaingai le a tak2 ti ah cun freedom of speech le Express hi democracy ram chung ummi kan fundamental right bak asi ti hi an I theihter duh ti lo. Cu chinchap ah micheu nih kawlram cu presidential democracy an ti hoi. A chung tak2 ultrasound le X-ray van tuah ah cun presidential zong asi lo I, parliamentary zong asi lo pin ah Dictatorship zong asi fon lo caah mipi hlen phun in biachim asi I, a ttha lo ka ti.

Uknak phung aa cawh dihmi hruainak tang ah a ummi kan si. Ram pakhat asi lo. Miphun pakhat kan si lo. Miphun tampi le ram tampi komh in dirhmi union ram kan si hi philh hna hla usih. Zoological garden chung I na chiahmi cakei cu a rawl a ttam ah cun an seh tthiam2 ko lai” ti bel philh hna hla usih. Awaan thlum le milar ruang ah Jenifer nungak cung lungthin le ruahdamhnak vialte nih fimnak kan pe hram seh. Miphun ah sumnga kan tling ve ko ti hi itheih peng hna usih tiah kan sawm hna. Credit; Lai Kung

Be the first to comment

Leave a Reply

Your email address will not be published.


*