Mahn Win Khaing Than Cu Ralkap Le Palek Nih A Inn Ah An Luh Hnawh Cang.

Pyidaungsu Hluttaw Aiawhtu Committee (CRPH) nih Cozah rian pawl pehzulh in tuan khawhnak dingah Mahn Win KhaingThan cu caankhat chung Vice President ah an thim tiah March 9 zaanlei hrawngah thawngthanhnak an tuah. Nain,March 10 chun suimilaam 2:30pm hrawng ahcun caankhat chung Vice President ah thim mi Mahn Win Khaing Than cu Palik le Ralkap nih Myowaddy Myo, a Inn an kawl i, an Inn zong an hrawhhral tiah Khua mi pakhat nih BBC ah a chim.

Rampi Nawlngeihnak an lak hnu in Rampi President nih a rian pawl cu tuankhawhnak lam a um lo caah RampiPresident rian pawl cu caankhat chung Vice President Mahn Win Khaing Than nih tavuan lak i, tuanter ding in an thim caah CRPH nih March 9 ah thawngthanhnak an tuah hi a si.

Kum 69 a si cang mi Mahn Win Khaing Than hi NLD Cozah ah riansang ngai a tuan bal cang mi a si. AmyothaHluttaw Chairman rian a tuan bal mi a si. NLD Party chungtel pakhat a sibantuk in (Aa-Za-Ni Khawngsawngkyi)Hruaitu Mahn Ba Khaing i, a tupa zong a si tiah theih a si. A nih hi Sihni rian in a pumpaw ai cawm bal mi zong a si.

March 9 ah khan Mahn Win Khaing Than cu caankhat chung Vice President tuan ding in CRPH nih an thim i,thawngthanhnak an tuah mi a si. Palik le Ralkap nih caankhat chung Vice President tuanding ah an thim timi thawng an theih bak in March 10 ahcun a inn an kalhnawh i an hrawhhral len hi a si.

 

 

Be the first to comment

Leave a Reply

Your email address will not be published.


*